Алешин темір кен орны
Алешин темір кен орны - Қостанай облысы Меңдіқара ауданында орналасқан. Кен орны 1957-1964, 1969-1979 жылдары барланған.
Геологиялық құрылымы[өңдеу | қайнарын өңдеу]
Кен денесі брахисинклинальды қатпарлықта жатыр. Изометриялық тұрғысынан (аумағы 10-15 км2 кен денесі екіқабатты төменгі тас көмір тау жыныстарынан түзілген. Жабынды шөгіндінің қалыңдығы 100 – 170 м. Кен орны 1000-1200 м тереңдікке дейін барланған. Алаңның оңтүстігіндегі скарнды-кентасты белдемі палеозой іргетасының үстінде жатыр, солтүстігінденде ол 1500 м-ге тереңге батқан.
Жатыс сипаты[өңдеу | қайнарын өңдеу]
Кен орны айрылымдық бұзылыстармен күрделеніп, оны Батыс, Орталық, Шығыс, Солтүстік-шығыс және Солтүстік-батыс телімдерге бөлген. Олар біртұтас магнетитті (бүкіл қордың 55%-ын құрайды), сеппелік магнетитті және пирит-пиротинді сульфидті болып бөлінеді. Кен денесінің қалыңдығы 100-140 м.
Құрамы[өңдеу | қайнарын өңдеу]
Баланс қорының мөлшері 432 млн. т және ондағы темірдің мөлшері 43,56 – 44,85%-ды, күкірт 3,06%-ды, фосфор 0,04%-ды құрайды. Баланстан тыс кентас мөлшері 110 млн. т деп бағаланды. Ондағы темір құрамы 29%-ға жуық. [1]
Дереккөздер[өңдеу | қайнарын өңдеу]
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |