Алтыншы кәсіптік мектеп

Алтыншы кәсіптік мектеп (ПШ-6) — Батыс Қазақстан облысындағы бастауыш кәсіптік білім беретін оку орны. 1973 ж. облыстық сауда басқармасының жанынан жергілікгі қоғамдық тамақтандыру және сауда ұйымдары үшін кадрлар даярлау үшін сауда-аспаздық мектебі ретінде ашылды. 1985 ж. ол кәсіптік білім беру жүйесіне беріліп, 23-СКТУ болып өзгерді. 1996 ж. 6-кәсіптік -техникалық мектеп болды. 2000 жылдан қазіргі атымен аталады. Мұнда ұлттық тағамдар пісіретін, бухгалтер есеп негіздерін меңгерген, т.б. аспаздар, наубайлар, мини-наубайхана иелері, белшек сауда мамандары, безендіруші суретшілер, декораторлар, жинақ банкінің кассирлері даярланады. Мектептегі 29 оқытушының 12-сі жоғары категориялы мамандар, 17-і арнаулы білімді шеберлер. 1999 ж. мұнда кесіпкерлікті дамытып, қолдау жөнінде аймақтық кеңесшілік орталық ашылды. 1999 ж. қазанда Техникалық ынтымақтастық жөніндегі неміс қоғамы «Қазақстанның кәсіпкер әйелдері» қауымдастығымен бірлесе отырып, Алтыншы кәсіптік мектептің базасында Халықаралық Еңбек ұйымының материалдарын дайындау әдістемесі жөнінде семинар өткізді. 2000 ж. 6 қаңтарда мектеп Еуразия қорының арнаулы грантын жеңіп алды. Соңғы жылдары Алтыншы кәсіптік мектептің материалдық-техникалық базасы нығайтылып, кәсіптік даярлықты жетілдіру мақсатында кондитер цехы, асүй-лаборатория ашылды; 2 көркемөнер шеберханасы, тігін белмесі, сондай-ақ аспаздық, маркетинг және менеджмент, информатика кабинеттері жұмыс істейді. Окушылардың қолданбалы өнер туындыларына арналған көрме залы бар.

Пайдаланған әдебиттер

<references>