Алқажан Еділхан

Алқажан Еділхан (1952 жылы туған, Маңғыстау ауданы Оңды ауылы) – инженер-механик. Қазақ мемлекеттік ауыл шаруашылық институтын (қазіргі ҚазҰАУ) (1974), Алматы жоғары партия мектебін (1987), АқтМУ-ды бітірген (2005). Еңбек жолын ұжымшарда ағаш шебері болып бастаған. Институтты бітіргеннен кейін ауданы «Қазақ ауыл шаруашылық техникасы» бірлестігінде аға инженер (1974), «Тұщықұдық» кеңшарында бас инженер (1975 – 77), облысы ауыл шаруашылық техникасы басқармасында бас инженер (1977 – 79), облысы партия к-тінде нұсқаушы (1979 – 82), Мұнайлы ауданы атқару комитеті төрағасының орынбасары (1982 – 85), Маңғыстау ауданының 1-хатшысы, әкімі (1987 – 94) қызметтерін атқарған. 1994 жылдан мұнай саласында басшылық қызметтерде істейді. Еділхан өлке тарихын зерттеуші көптеген қаламгерлердің, өнер зерттеушілерінің еңбектерінің жарыққа шығуына қол ұшын беріп жүретін азамат, белгілі меценат. «Маңғыстау тарихы» атты кітаптың авторы.