Аманат кәсіподақтар достастығы
| "Аманат" кәсіподақтар ұйымы | |
| Басшысы |
Андрей Пригор[1] |
|---|---|
| Құрылған жылы |
7 маусым 2017[2] |
| Штаб-пәтері |
Александр Бараев көшесі, 25, 19-пәтер, Байқоңыр ауданы, Астана, Қазақстан[1] |
"«Аманат» кәсіподақтар достастығы" Республикалық кәсіподақтар ұйымы (орыс. Республиканское объединение Профсоюзов «Содружество Профсоюзов Казахстана «Аманат»[2]), қысқартылғанда «Аманат» кәсіподақтар ұйымы — қазақстандық кәсіподақтар ұйымы. 2022 жылғы президент сайлауында үміткер ұсынғаны үшін белгілі.
Тарихы[өңдеу | қайнарын өңдеу]
Құрылуы[өңдеу | қайнарын өңдеу]
Достастықтың төрағасы Андрей Пригорьдің сөзінше республикалық ұйым құру 2010 жылдан бері жоспарланып жүрген. Оның құрылуының мақсаты — бұрынғы кәсіподақтардың реформа қажет етуі, тиімсіз жұмыс істеуі.[3] Келесі 4 жыл бойы олар ресми түрде тіркеле алмай, 2015 жылға қарай тіркелуге тырысуды мүлдем тоқтатқан еді. Пригорьдің ойынша 2016 жылға қарай "Аманаттың" тіркеле алғаны Харькова басшылығында болған Қазақстан Кәсіподақтар конфедерациясының ыдырауы, Еуропа одағы мен Қазақстан арасындағы кәсіподақ жайлы келісім мен Маңғыстау облысы мұнайшыларының наразылығы болды.[3]
7 маусымда Алматыда Қазақстандық халықаралық адам құқықтары бюросының баспасөз орталығында баспасөз мәслихаты өтті. Оның барысында "Аманат" кәсіподақтар достастығы" Республикалық кәсіподақтар ұйымын құруды және ресми деңгейде тіркеуді мақсат қойылды.[2] Оның мақсаты — жұмысшы мен жұмыс беруші арасындағы байланысын жақсарту. Ұйымның құрылған сәтіндегі төрағасы — астаналық Андрей Пригорь, төрағасының орынбасарлары — Мұхтар Үмбетов пен Берік Жағыпаров.[2] 2019 жылғы жағдай бойынша "Аманат" кәсіподақтар достастығы елдегі үш республикалық кәсіподақтар ұйымдарының бірі болды.[4]
2018 жылдың наурызында "Аманат" құрамына ҚРКФ құрамынан шығып кеткен біраз денсаулық сақтау жұмысшылары кірді. Оған себеп болған ҚРКФ-та кәсіподақ жайлы көп біле бермейтін шенеуніктердің бар болуы, федерация қаржысының бұрыс қолданылуы және т.б..[3]
2022 жылғы президент сайлауы[өңдеу | қайнарын өңдеу]
2022 жылдың 28 қыркүйегінде орын алған "Аманат" кәсіподақтар одағының орталық атқарушы комитетінің жиналысы барысында 2022 жылғы кезектен тыс сайлауға қатысу үшін Мейрам Зекешұлы Қажыкенді Қазақстан Президенттігіне үміткер етіп ұсыну шешімі қабылданды.[5]
Сайлау нәтижесінде Мейрам Қажыкен тек 200,907 дауыс жинап, жеңіске жете алмады.
Саяси ұстанымы[өңдеу | қайнарын өңдеу]
Реформа жасау ұсынысы[өңдеу | қайнарын өңдеу]
Достастық төрағасы Андрей Пригорьдің ойынша елдегі кәсіподақтар реформа қажет етеді: мысалы жұмыс беруші тұрғысынан алаяқтыққа жол бермеу үшін «жеке тұлғаның барлық қатынастары тек Еңбек кодексімен реттелуі тиіс». Достастық аутсорсингке қарсы шығады. Аутсорсинг дегеніміз, Пригорьдің айтуынша, компания жұмысшыларды басқа компанияға ауыстыра салып, еңбек құқықтарының немесе жұмыс орындарының сақталуына ешкімнің жауап бермеуі. Осы техниканы Атамекен Ұлттық кәсіпкерлер палатасы қолданады деп санайды Пригорь.[3]
Дереккөздер[өңдеу | қайнарын өңдеу]
- ↑ a b РЕСПУБЛИКАНСКОЕ ОБЪЕДИНЕНИЕ ПРОФСОЮЗОВ "СОДРУЖЕСТВО ПРОФСОЮЗОВ КАЗАХСТАНА "АМАНАТ" (орыс.). Тексерілді, 24 шілде 2023.
- ↑ a b c d Создано новое объединение профсоюзов (орыс.). FlashPress.kz (6 декабря 2017). Тексерілді, 24 шілде 2023.
- ↑ a b c d КОРЧАГИН, Андрей Андрей ПРИГОРЬ: "Профсоюз – не подразделение работодателя, а равноправный с ним орган трудящихся" (орыс.). in Astana.kz (30 июня 2018). Тексерілді, 24 шілде 2023.
- ↑ ТОҒЖАНОВ, Ералы ПО-НАСТОЯЩЕМУ НАРОДНЫЙ ПРОФСОЮЗ (орыс.). ҚР Кәсіподақтары федерациясының ресми сайты (10 ноября 2019). Тексерілді, 24 шілде 2023.
- ↑ Заседание центрального исполнительного комитета РОП «Содружество профсоюзов Казахстана «Аманат» (орыс.) (3 октября 2022). Тексерілді, 24 шілде 2023.