Анадыр

Уикипедия — ашық энциклопедиясынан алынған мәлімет
Навигацияға өту Іздеуге өту

Анадыр — Ресей Федерациясының Магадан облысы мен Чукот ұлттық округіндегі өзен. ұзындығы 1150 км, су жинау алабының ауданы 191000 км². Анадыр таулы үстіртінің орталық бөлігінен бастау алады. А. оңт-ке қарай ағып, ойпатқа шығады, одан тау жоталарын айнала отырып, бірнеше мәрте бағытын өзгертіп, шығысындағы Беринг т-нің Анадыр шығанағына құяды. Өз-ің жоғарғы ағысындағы аңғарлары тар келеді, төменгі аңғарлары жазық тау, тарамданып ағады. Басты салалары: Яблон, Еропол, Майн, Чинейвеем, Белая, Тонюрер. Өзен қар және жаңбыр суымен толысады. Құяр сағасынан 254 км жоғарыдағы көпжылдық орташа ағыны 1000 м³/сек. Қазан айының ортасында қатады. Мұзы мамырдың аяғында ериді. Кішігірім су кемелері жүзе алады. Төменгі сағасында балық ауланады. Алабында көмір кеніштері бар.