Андроцей (көне грекше: ἀνήρ, атау септікте ἀνδρός — «аталық» және οἰκία — «үй») — гүлді өсімдіктердегі аталықтардың көп мөлшердегі жиынтығы. Андроцейдегі аталықтардың саны көп мөлшерде ауытқып отырады (1-ден 100-ге дейін барады). Аталықтары не жеке-жеке бос орналасқан немесе әртүрлі деңгейде біріккен болып келеді. Егер аталықтардың барлығы біріккен болса, онда оларды бір ағайынды, аталықтардың біреуі бос қалып, қалғандары біріккен болса — екі ағайынды, ал егерде аталықтары бірнеше топ түзіп бірігетін болса — көп атйынды аталықтар деп атайды. Аталықтардың биіктіктері бірдей болуы да немесе әртүрлі болуы да мүмкін. Биіктіктері өр түрлі болып келетін аталықтарды мынадай топтарға бөледі: екі жақсы жетілген аталығы болатын, үш жақсы жетілген аталығы болатын және т.б. Екі жақсы жетілген аталығы болған жағдайда, аталықтың екеуі басқаларынан биік болады, ал үш жақсы жетілген аталығы болғанда, аталықтың үшеуі басқаларынан биік болады және т.б.
_(8577495976)_inflorescence_transparent_background.png){kind=spacer}
