Астана (радио)

Уикипедия — ашық энциклопедиясынан алынған мәлімет
(Астана радиосы бетінен бағытталған)
Мұнда ауысу: шарлау, іздеу
"Астана" радиосы
Now onair astana.png
Мемлекет  Қазақстан
Тарату аймағы  Қазақстан
Құрылған уақыты 19 қаңтар 1999 жыл
Уақыты Күнделікті
Түрі радио
Тілі Қазақ тілі, орыс тілі
Иесі "Қазақстан" РТРК АҚ
Торабы http://astanafm.kz/kaz/

«Астана» радиосыақпаратты-музыкалық радиостанция. Радионың ең алғашқы эфирге шыққан уақыты – 1999 жылдың 19 қаңтары. 101.4 ФМ толқынында эфирге шықты. Эфирдегі жалпы уақыты 19 сағат. Осы уақыттан бастап радио қызметкерлері «Ақ ниетпен әр үйге» деген ұранмен жұмыс істеп келеді.

Тарихы[өңдеу]

2003 жылдың 1 ақпанынан бастап «Астана» радиосы өзінің эфирлік форматын жаңартып, заман талабына сай сандық құрылғылармен жұмыс істеп келеді. Сондай-ақ, радио эфирінде жаңа ақпаратты-танымдық, ойын-сауықтық жаңа хабарлар ашылды. Музыкалық форматтың өзгеріп, хабарлар мазмұнының ерекшеленуіне байланысты тыңдармандар аудиториясы да кеңейе түсті. «Астана» радиосы тек қана Астана аумағын қамтитындығына қарамастан, қала қонақтарынан да жақсы лебіздерге толы хаттар келіп жатады.

Сонымен, бүгінгі радиотыңдаушы әндермен қатар мазмұнды хабарларды тыңдап, интерактивті түрде жүргізілетін радиоойындарға да қатыса алады. Радиоойындардың мазмұны әртүрлі. Мәселен, қаланың тыныс-тіршілігіне арналған ойындар, интеллектуалдық ойындар мен тіл ұстарту бағытындағы радиоойындар, шоу-жобалар бар. Хабар жүргізудегі пайыздық көрсеткішке келетін болсақ - 60 пайыз қазақ тілінде, 40 пайыз орыс тілінде. Демек, «Астана» радиосы толықтай «Тіл туралы» Заңның талаптарына сай жұмыс істеп келеді. Сондай-ақ, Қазақ радиосынан келіп тұратын қазақша әндер де радионың ән қоржынын толтырып, жаңа әндердің тыңдармандарға жетуіне үлкен үлес қосып отыр.

Ал астаналық орындаушылар өз шығармашылығымен таныстырып, әндерін бәйгеге қосатын «Жұлдызды Астана» хит-шеруі 2005 жылдан бастап Астана әншілеріне қолдау көрсету мақсатында әндерін тегін ротацияға қойып, өнер дамуына оң әсерін тигізіп келеді десек, қателеспейміз.

2009 жылы 19 қаңтарда «Астана» радиосы өзінің 10 жылдық мерейтойын атап өтті. Астанамен қатар өсіп келе жатқан радио үшін бұл белгілі бір межеден өтіп, жаңа мақсаттар қойып, соған жетуге ынталанатын сәт болды. Осы онжылдықты атап өту барысында «Астана қаһармандары» атты хабар эфирге шықты. Бір жыл бойына тыңдармандар Астанаға өз үлестерін қосқан азаматтарды ұсынып, мерейтой қарсаңында жеңімпаздар анықталған болатын.

Мұнда: қоғам, медицина, саясат, жастар, құқық, архитектура және «Астана үміті» секілді номинациялар болды.

Астаналық радионың тарихында көптеген жеңісті сәттер болғанын атпай кете алмаймыз.

Мысалы, 1999 және 2003 жылдардағы ең үздік ақпаратты топтамасы үшін берілген «Алтын Жұлдыз» жүлдесі; 2006 жылы - «Үздік радио» атағы т.б. бар.

«Астана» радиосының аудиториясы қала мен облыс аумағындағы 500 мың халықты қамтиды. Бұл орта есеппен алынған көсеткіш. Сондай-ақ, "Астана" радиосы Қазақ радиосының Республикаға таралатын үш сағаттық эфирлік уақытына, яғни, сағат таңғы 9 бен 10 аралығында, 12 мен 13 және кешкі 21 мен 22 аралығында қосылады. Бұл уақыттарда қоғамдық-танымдық, ақпараттық хабарлар тізбегін дайындайды.

Аптаның бес күні , таңғы 9-10 аралығында «Мен қазақпын» ақпаратты-танымдық, ойын-сауық бағдарламасы эфирге шығып тұрады. Әр күн белгілі бір тақырыпқа арналады:

  • Дүйсенбі – Атамекен
  • Сейсенбі – Ұлттық мүдде
  • Сәрсенбі – Патриоттық тәрбие
  • Бейсенбі – Ана тіліміз
  • Жұма – Ата дініміз

Ал, 12-13 аралығында - «Бәсекелестік бағыты», «Экономическая зона», «Кім жазықты?», «Тыңдаушымен тілдесу», «Социальный рейтинг», «Большая перемена», «Көзқарас», «Қазақстан плюс», «Жаңару жолы» секілді ресми, тікелей эфирдегі хабарлар; кешкі 21-22 аралығында – «Парламент апталығы», «Ой түйін», «Табиғат жаршысы», «Жүрек қалауы», «Курсор», «Собеседник», «Путь к успеху», «Асыл қазына» секілді қоғамдық-танымдық хабарлар эфирге шығады. Сонымен бірге, сенбі, жексенбі күндері таңертеңгі уақытта - «Ел мен жер», «Алақай», «Тағдыр сыйы», «Астана-Бәйтерек» сынды бағдарламалар эфирге шығады.

Басшылық[өңдеу]

  • Қаракөзова Гүлмира Әлібекқызы, «Астана» радиосының директоры

Туған жылы: 24 желтоқсан 1971 жыл.

Білімі: жоғары, әл-Фараби атындағы ҚАЗМҰУ-нің журналистика факультетін бітірген.

Еңбек тәжірибесі:

1997 жылы Қазақ теледидарының ақпарат бағдарламасында редактор.

2002-жылдан «Қазақстан» Ұлттық арнасының ақпарат-сараптамалық дирекциясында жауапты редактор.

2004-жылдан бастап «Астана» радиосында директор қызметін атқарып келеді.

Адамның бойындағы қандай қасиетті жоғары бағалайсыз: ақылдық, адамгершілік, ізгілік, көздеген мақсатқа жетуге ұмтылу.

Нағыз демалыс дегеніміз: таза ауада балаларыңмен бірге қыдыру.

Сүйікті тағамым: ет тағамы.

Сүйікті фильмім: «Дневник памяти»

2012-ші жылға жоспарларым: Журналистикаға арналған монографиямды аяқтау.

Хоббиі: әр елдің атрибуты саналатын түрлі қоңырауларын жинау.

  • Үмбетова Базаргүл Сейітжанқызы, «Астана» радиосы директорының орынбасары

Туған жылы: 16 қараша 1966 жыл.

Білімі: жоғары, әл-Фараби атындағы ҚАЗМҰУ-нің журналистика факультетін және Орталық Азия университетінің құқықтану факультетін бітірген.

Еңбек тәжірибесі:

1985 жылы Жезқазған облыстық телерадиокомпаниясында тілші, редактор, бөлім меңгерушісі

1997-жылдан Қазақ теледидарының «Астана» студиясында комментатор

2001-жылдан «Астана» радиосында жауапты редактор, бас редактор, қазір директордың орынбасары

Адамның бойындағы қандай қасиетті жоғары бағалайсыз: ізденгіштік, кішіпейілділік, жауапкершілік, айтқанын орындай білу.

Нағыз демалыс дегеніміз: еліміздегі табиғаты көркем тарихи мекендерді аралау.

Сүйікті тағамым: ет тағамы(қазы-қарта, жал-жая)

Сүйікті фильмім: «Гауһартас»

2012-ші жылға жоспарларым: Алла қаласа, өзім қатысқан «Алтай-Дунай» халықаралық этнологиялық экспедиция кезінде жинақтаған материалдарды кітап етіп шығару; тарихи-деректі материалдардың дискісін шығару.

Хоббиі: тарихи кітаптар оқу, фильмдер көру;

  • Жанетта Садуақас (Әбділдина), музыкалық қызметтің шеф-редакторы

Туған жылы: 22 сәуір 1983 жыл.

Білімі: жоғары, Еуразия Ұлттық университеті «Халықаралық қатынастар» институтындағы «Елтану - Индология» бөлімін бітірдім. Үндістан, Нью-Делидегі Джавахарлар Неру университетінде ағылшын-урду тілін оқыдым.

Еңбек тәжірибесі: Радиода 7 жыл қызмет етіп келемін.

Адамның бойындағы қандай қасиетті жоғары бағалайсыз: адалдық пен рухани еркіндікті бағалаймын.

Сүйікті тағамым: анамның дайындағанына жетері жоқ. Жалпы, қазақ, үнді тағамдарын ұнатамын.

Сүйікті фильмім: өте көп. Атыс-шабыс, фантастика, триллер болмаса болды.

Хоббиі: Нақты хоббиім бар деп айта алмаймын. Иіс су мен ұялы телефондар дүкенінде қалып қойсам, ренжімес едім))

Ұстанымым: «Жанның ішкі дүниесінде үндестік болса, басқасы қиын емес».

  • Амангелді Құрметұлы, шеф-редактор

Туған жылы: 23.10.1979 жыл

Білімі: жоғары, Л.Н.Гумилев атындағы ЕҰУ

Еңбек тәжірибесі: 9 жыл, радиода 5 жыл.

Адамның бойындағы қандай қасиетті жоғары бағалайсыз: Адалдық, мәрттік

Нағыз демалыс дегеніміз: кітап оқу, табиғат аясында серуендеу

Сүйікті тағамым: Ет, қуырдақ және бауырсақ, қымыз

Сүйікті фильмім: «В бой идет одни «старики», «Қыз Жібек»

2012-ші жылға жоспарларым: Жеке жоспарлар жоқ емес, бірақ оны ашып айтудың керегі шамалы сияқты

Хоббиі: Фото түсіру, ғаламторда интернет сайттарын, блогтар ашу

Редакция[өңдеу]

  • Байдрахманов Алмас Хасенұлы, редактор-жүргізуші.

Туған жылы: 01.02.1983 ж.

Білімі: жоғары, Л.Н.Гумилев атындағы ЕҰУ

Еңбек тәжірибесі: 7 жыл.

Адамның бойындағы қандай қасиетті жоғары бағалайсыз: адалдық.

Нағыз демалыс дегеніміз: көңілің қалаған іспен айналысу.

Сүйікті тағамым: ет, қуырдақ және бауырсақ.

Сүйікті фильмім: «Менің атым Қожа», «Соңғы самурай».

2012-ші жылға жоспарларым: қағаз бетіне түсірген жоспарларым бар. Сол жолда аянбай еңбек ету.

Хоббиі: футбол және бильярд ойнау.

  • Алышова Әсия Нұрғазықызы, редактор-үйлестіруші.

Туған жылы: 4 қараша 1986 ж.

Білімі: Тараз қаласындағы Іскерлік және бизнес колледжі

Еңбек тәжірибесі: 4 жыл.

Адамның бойындағы қандай қасиетті жоғары бағалайсыз: адамгершілік.

Нағыз демалыс дегеніміз: нағыз демалыс – саяхат.

Сүйікті тағамым: палау.

Сүйікті фильмім: «Қыз Жібек».

2012-ші жылға жоспарларым: магистратураны бітіру.

Хоббиі: бос уақытымда кесте тігіп, тоқыма тоқимын.

  • Бақтияр Хамит, редактор-жүргізуші.

Туған жылы: 05.11.1985 ж.

Білімі: жоғары

Еңбек тәжірибесі: 3 жыл.

Адамның бойындағы қандай қасиетті жоғары бағалайсыз: еңбекқорлық, төзімділік, бауырмалдық.

Нағыз демалыс дегеніміз: табиғат аясында тынығу. Ат мініп, аңға шығу. Қармақ салып, балық аулау.

Сүйікті тағамым: еттен жасалған тағамдар.

Сүйікті фильмім: «Менің атым Қожа», «Алдаркөсе».

2012-ші жылға жоспарларым: Шығармашылық шеберлікті шыңдай түсу.

Хоббиі: спорт және кітап оқу.

  • Досымжан Ануарұлы Ермұрат, редактор.

Туған жылы: 07.10.1985 ж

Білімі: жоғары

Еңбек тәжірибесі: төрт жыл.

Адамның бойындағы қандай қасиетті жоғары бағалайсыз: шыншылдық, адалдық және бауырмалдық.

Нағыз демалыс дегеніміз: Қазақстанның тарихи жерлеріне саяхат жасау.

Сүйікті тағамым: палау және тауық етінен жасалған тағамдар

Сүйікті фильмім: «Рэкетир».

2012-ші жылға жоспарларым: өз саламда жетістіктерге жету.

Хоббиі: футбол, футбол және футбол.

  • Жанар Нұрышева Мақсұтқызы, редактор-жүргізуші.

Туған жылы: 1 қыркүйек 1987 ж.

Білімі: Л.Гумилев атындағы Еуразия Ұлттық университеті, филология факультеті

Еңбек тәжірибесі: 2 жыл.

Адамның бойындағы қандай қасиетті жоғары бағалайсыз: адамгершілік, имандылық, ақыл.

Нағыз демалыс дегеніміз: сүйікті ісіңмен айналысу.

Сүйікті тағамым: ет, сорпа

Сүйікті фильмім: «Аватар», «2012»

2012-ші жылға жоспарларым: магистратураны бітіру

Хоббиі: бос уақытымда ақпараттық-танымдық сайттар мен интернет блогтар оқимын.

  • Мырзағалиева Жанар Сайлаубекқызы, редактор-журналист.

Туған жылы: 29.06.1974 ж.

Білімі: жоғары

Еңбек тәжірибесі: 18 жыл.

Адамның бойындағы қандай қасиетті жоғары бағалайсыз: жауапкершілік, алғырлық.

Нағыз демалыс дегеніміз: өзіңе ұнайтын адамдардың ортасында демалу.

Сүйікті тағамым: Көп. Соның бірі - сорпа, палау, мәнті, т.б.

Сүйікті фильмім: “Адамдар арасындағы бөлтірік”, “Менің атым Қожа” т.б.

2012-ші жылға жоспарларым: жоспар көп, орындалғанда айтамын.

Хоббиі: бизнеске қатысты кітап оқу, семинар-тренингтерге қатысу

  • Қанат Тұрар, редактор-жүргізуші.

Туған жылы: 17.12.1977 ж.

Білімі: жоғары

Еңбек тәжірибесі: төрт жыл

Адамның бойындағы қандай қасиетті жоғары бағалайсыз: шыншылдық, адалдық және бауырмалдық.

Нағыз демалыс дегеніміз: еңбек демалысындағы саяхат.

Сүйікті тағамым: ет және қымыз.

Сүйікті фильмім: Көп сериялы «Шыңғысхан» фильмі.

2012-ші жылға жоспарларым: уақыт төреші

Хоббиі: домбыра шерту.

  • Мұқаш Қожахметұлы, редактор-жүргізуші.

Туған жылы: 26.03.1963 ж.

Білімі: орта

Еңбек тәжірибесі: 16 жыл.

Адамның бойындағы қандай қасиетті жоғары бағалайсыз: адамгершілік

Нағыз демалыс дегеніміз: шығармашылық.

Сүйікті тағамым: ет

Сүйікті фильмім: «Қыз-Жібек»

2012-ші жылға жоспарларым: жаңа шығарма жазу.

Хоббиі: кітап оқу

  • Сәдібекова Салтанат Сәдібекқызы, редактор-журналист.

Туған жылы: 1978 жыл

Білімі: жоғары

Еңбек тәжірибесі: Қазақ радиосында төрт жарым жыл.

Адамның бойындағы қандай қасиетті жоғары бағалайсыз: «Жаман деген адамның бір жақсылығы болады» демекші, адам баласының бойында жақсы қасиеттер көп. Бірақ, жалпы өз басым аз сөйлеп, көп іс тындыратын адамдарды ұнатамын.

Нағыз демалыс дегеніміз: отбасыммен бірге табиғат аясында демалу - мен үшін нағыз демалыс.

Сүйікті тағамым: сүрленген еттің сорпасы мен палауды ұнатамын.

Сүйікті фильмім: Көбіне Ресей фильмдері ұнайды. Мәселен: «Всегда говори всегда» телесериалының мазмұнына сай, өмірдің шынайы тұстары бейнеленген фильмдер.

2012-ші жылға жоспарларым: жеке өміріме қатысты мәселелерге келгенде алдын-ала жоспарлағанды ұнатпаймын.

Хоббиі: мектеп жасында түрлі атақты адамдардың фотосуреттерін жинайтынмын. Қазір дастарханның сәнін кіргізетін бағалы ыдыстарды жинағанды ұнатамын.

Эфир жүргізушілері[өңдеу]

  • Есқұлова Ғалия Шайзадақызы, музыкалық жүргізуші.

Оңтүстік Қазақстан облысы Төлеби ауданында дүниеге келген. Батыс Қазақстан облысы Орал қаласындағы Дәулеткерей атындағы өнер институтында білім алған. Радиодағы еңбек жолы 6 жылды құрайды. Әншілік пен радиодағы қызметті бірге алып келеді.

Өмірдегі ұстанымы: Әрбір батқан күннің атар таңы бар!

  • Сымбат Талғатқызы, музыкалық жүргізушісі.

Ару Алматыда туып-өскен. Ал өніп-өркендеген жері - айбынды Астана. Келін болып түскен жері - шырайлы Шымкент.

Отбасы мәселесіндегі ойы: «Тәрбие отбасынан басталады».

Еңбектегі позициясы: «Жұмысқа қуанышпен келіп, үйге мақтанышпен қайту – нағыз бақыт».

Сезім мәселесіндегі пікірі: «Махаббат - екі адамның бір-біріне емес, бір жаққа қарай білу қабілеті».

Өмірлік ұстанымы: «Қандай жағдайға ұшыраса да, одан сабақ ала білген адам даналыққа бір табан жақын тұрады».

Ұраны: Тек алға! Сымбаттың дерті - радио, одан айығудың жолын іздемейді де. Қайта осы дерттің ұзаққа созылғанын қалайды.

  • Маржан Нұралы, музыкалық жүргізуші.

Оңтүстік өңірінде дүние есігін ашқан. Кейін Лев Гумилев атындағы ЕҰУ-нің «Журналистика» мамандығын тәмамдаған. Радиода 6 жылдан бері қызмет етіп келеді. Ілияс Есенберлин және Дулат Исабековтың шығармаларын сүйіп оқиды. Жұлдызы Арыстан болғанымен жұлдыз жорамалға сенбейді. Ұлттық тағамдарды жақсы көреді. Маржанның ойынша, адам әрқашанда өз өмірінің суретшісі бола білуі керек.

  • Қасымов Бахытжан, музыкалык жүргізуші.

1982 жылы шілденің алтысында дүниеге келген. Білімі жоғары. Еңбек өтілі 5 жылды құрайды. Шымкеттік іс-қимылы жоқтарды бағалап, тыныштықты ұнатады.

Сүйікті тағамы – нарын.

Ал сүйікті фильмі: «Алпамыс мектепке барады».

Бағдарламалар[өңдеу]

  • «Мен қазақпын!»

Ақпараттық-танымдық, ойын-сауықтық бағдарлама

Эфирге шығатын уақыты: дүйсенбі- жұма, 09.10-10.00

Ұзақтығы: 50 минут

Аптасына 5 рет эфирге шығады

Тілі: қазақша

2006 жылдан бері эфирге шығып келеді

Бағдарлама халқымыздың асыл қазынасы болып саналатын атамекен, ұлт мүддесі, патриоттық тәрбие, тіл және дін, қазақтың дүниетанымы мәселелерін көтеріп, қол жеткен жетістіктер мен олқылықтарды талдап, тыңдарман қауымға жеткізуді көздейді. Бағдарламаның бірінші бөлімі сұхбатқа негізделсе, екінші бөлімі тыңдармандармен телефон арқылы байланыс орнатып, көтерілген мәселелерге қатысты оларға сұрақтар қойып, жаңа ақпараттар беруге негізделген.

Дүйсенбі күні «Мен қазақпын!» бағдарламасы атамекенге арналады. Бұл күндері қазақтың жер-су аттары, Қазақстанның қалалары, сол өңірлерден шыққан танымал тұлғалар, тарихи ескерткіштер, қорықтар, Қазақстанда мекендейтін аң-құстардың, өсетін өсімдіктердің қазақ тіліндегі атаулары, қазба байлықтары, қазақтың төрт түлігіне қатысты тақырыптар көтеріледі. Журналистер осы тақырыптарда қызықты деректер жинап, жедел сауалнамалар жүргізеді, шағын сұхбаттар ұйымдастырады.

Екінші бөлікте «Жерұйық» радиоойыны жүргізіледі. Бұл ойында қазақтың ақын-жазушыларының туған жерге қатысты шығармалары таныстырылып, солар жөнінде сұрақтар қойылады. Сонымен бірге қазақ жерінің әсем табиғаты, тарихи ескерткіштері, қорықтары мен аң-құстары, өзен-су, тау атаулары туралы сауалдар болады.

Жауапты журналист: Досымжан Ермұрат.

Музыкалық жүргізуші: Жанар Нұрышева.

Сейсенбі күні «Мен қазақпын!» бағдарламасы ұлттық мүддеге, қазақ қоғамын толғандырып отырған ұлттық мәселелерге арналады. Онда қазіргі кезде еліміздің ұлт мәселесінде ұстанып отырған саясаты, ұлтымыздың қол жеткен табыстары мен әлі де атқарылуға тиіс міндеттері, өркениетке ұмтылысы, ұлттық құндылықтарды сақтауға талпынысы және басқа да мәселелер көтеріледі. Хабарды жасау барысында ұлттық идеология, елдік сана басты назарда ұсталады. Бұл күнгі хабарға «Ұлт ұрпағы» айдары да кей күндері қосылып отырады.

Екінші бөліктегі «Бұл қай қазақ?» радиоойыны Алашқа аты мәлім азаматтар өмірін насихаттауға арналады.

Жауапты журналист: Қанат Тұрар.

Музыкалық жүргізуші: Жанетта Сәдуақас.

Сәрсенбі күні «Мен қазақпын!» бағдарламасы патриоттық сезімді насихаттауға арналады. Бұл бағытта спорт пен әскери сала негізге алынады. Онда еліміз спортының бүгінгі хал-ахуалы сөз болады. Қазақ спорты мен әскерінің имиджін көтере түсу - хабардың негізгі мақсаттарының бірі болып табылады. Хабарды жасау кезінде спортшыларымыздың жетістіктері сөз болғанымен, басты салмақ ар-намыс, отансүйгіштік тақырыптарына түседі. Сондай-ақ, отансүйгіштік тәрбиені насихаттауда жасалып жатқан әртүрлі шаралар да хабардың өзегі болады. Бұл мәселеде кездесіп жататын олқылықтар да айтылады. Сондықтан, спортшылар, бапкерлер, қоғам қайраткерлері, әскери мамандардың қатысуымен жедел сауалнамалар ұйымдастырылады. Әскери тақырыпты сөз еткен кезде еліміздің қорғаныс қабілетіне, жастардың әскери борышты өтеуге, халықтың Қазақстан армиясына деген көзқарасына баса назар аударылып, әскеріміздің беделін арттыру жолында насихат жүргізіледі. Ал, спорт мәселесінде еліміздегі олимпиадалық және олимпиадалық емес спорт түрлерінің, ұлттық спорт пен ұлттық ойындардың қазіргі деңгейі, оларды насихаттау назарда ұсталады. Спортшыларымыздың жалпы дайындығымен қатар, олардың намысын қайрап, психологиялық даярлығын арттыру ісіне көңіл бөлінеді.

Хабардың екінші бөлігінде «Елім менің» радиоойыны өткізіледі. Бұл бөлімде ұлттық спортқа, армияға және басқа да спорт түрлеріне қатысты сұрақтар қойылып, танымал спортшылар мен батырлар туралы мағлұматтар беріледі.

Хабарға жауапты журналист: Бақтияр Хамит.

Музыкалық жүргізуші: Маржан Нұржанова.

Бейсенбі күні «Мен қазақпын!» бағдарламасы мемлекеттік тілге арналады. Бұл күндері ана тіліміздің мәртебесі, оған қатысты түйіні шешілмеген мәселелер, аударма, сөздік, терминология, қазақ тіліндегі жарнама және тағы басқа тақырыптар көтеріледі. Журналистер осы тақырыпта жедел сауалнамалар жүргізіп, шағын сұхбаттар жасайды, тыңдаушымен тікелей байланыс ұйымдастырады.

Екінші бөлімінде «Өнер алды – қызыл тіл» және «Ана тілі–дана тілім» радиоойындары кезектесіп өткізіледі. «Өнер алды – қызыл тіл» радиоойыны шешендік өнерді насихаттауға арналады. Ал, «Ана тілі – дана тілім»ойынында хабарласқан тыңдарманның таза қазақ тілінде, өзге тілдердегі сөздерді қоспай сөйлеуіне ерекше мән беріледі.

Жауапты журналист: Ұлағат Ханзада.

Музыкалық жүргізуші: Ғалия Есқұлова.

Жұма күні «Мен қазақпын!» бағдарламасы дін, қазақтың дүниетанымы тақырыбына арналады. Онда ислам дінінің құндылықтары, қазақтың салт-дәстүрлері, мұсылмандық ғұрыптар, ұлттық танымның ерекшеліктері туралы айтылады. Хабарды жасау барысында этнографтардың, теологтардың, тарихшылардың, имамдардың пікірлері және түсініктемелері пайдаланылады.

Хабар жұма күні өтетіндіктен, мұсылман күнтізбесінде сол күннің маңызы туралы сөз болады.

Екінші бөлімінде «Дін тану», «Таным» радиоойындары өткізіліп, онда ислам дініне қатысты сұрақтар қойылады.

Жауапты журналист: Амангелді Құрметұлы.

Музыкалық жүргізуші: Сымбат Талғатқызы.

  • «Көкейкесті»

Эфирге шығатын уақыты: дүйсенбі, 12.10

Ұзақтығы: 20 минут

Аптасына 1 рет эфирге шығады

Тілі: қазақша

2006 жылдан бері эфирге шығып келеді

Бағдарламаны жүргізетін журналист: Жанар Мырзағалиева.

Бағдарлама денсаулық сақтау саласындағы атқарылып жатқан жұмыстар, жетістіктер мен кемшіліктер жөнінде сөз етіледі. Бағдарламаны жасау барысында салауатты өмір салтын қалыптастыру ісі насихатталады.

  • «Жас толқын»

Эфирге шығатын уақыты: дүйсенбі, 21.10

Ұзақтығы: 20 минут.

Аптасына 1 рет эфирге шығады.

Тілі: қазақша.

2006 жылдан бері эфирге шығып келеді

Бағдарламаны жүргізетін журналист: Жанар Нұрышова.

Мақсаты: Қоғамдағы жастарымыздың алар орнын айқындау. Олардың ойы, алдарына қойған мақсаты, кәсіби шеберліктеріндегі жеткен жетістіктерінен құлағдар ету. Қоғамдағы өзекті мәселелерге етене араласып жүрген жас буын өкілдерінің қызметі мен игі істері, жеке өмірі жайында хабар қонағының өз аузынан есту.

Хабар - әр айдарға лайықты арнайы роликтермен көркемделіп, бүгінгі жастарымыздың атқарып жатқан іс-әрекеті мен белгілі бір тақырыпта жеке пікірлерінен құлағдар етеді.

  • «Қазақ ғылымы»

Эфирге шығатын уақыты: сейсенбі, 12.10

Ұзақтығы: 20 минут

Аптасына 1 рет эфирге шығады

Тілі: қазақша

2009 жылдан бері эфирге шығып келеді

Бағдарламаны жүргізетін журналист: Ұлағат Ханзада.

Бағдарлама отандық өнертапқыштардың табыстары, ғылым мен білім беру саласындағы жетістіктер мен кемшіліктер жөнінде, әлемдік ғылымның даму үрдісі жайында баян етіледі.

  • «Тыңдаушымен тілдесу»

Эфирге шығатын уақыты: сәрсенбі,12.10

Ұзақтығы: 20 минут

Аптасына 1 рет эфирге шығады

Тілі: қазақша

2008 жылдан бері эфирге шығып келеді

Бағдарламаны жүргізетін журналист: Салтанат Сәдібекқызы.

Бағдарлама әлеуметтік және құқықтық салаға арналады. Хабарды жасау барысында зейнетақы төлеу, әртүрлі жәрдемақылар, азамттардың құқықтық сауатының артуы сияқты тақырыптар қамтылады.

  • «Ой түйін»

Эфирге шығатын уақыты: сәрсенбі, 21.10

Ұзақтығы: 20 минут

Аптасына 1 рет эфирге шығады

Тілі: қазақша

2009 жылдан бері эфирге шығып келеді

Бағдарламаны жүргізетін журналист: Алмас Байдрахманов.

Бағдарлама Үкімет жұмысын насихаттауға бағытталған. Хабарда түрлі Үкіметтің бағдарламаларының жүзеге асу барысы, кемшіліктер мен жетістіктер сөз болады.

  • «Жаңару жолы»

Эфирге шығатын уақыты: бейсенбі,12.10

Ұзақтығы: 20 минут

Аптасына 1 рет эфирге шығады

Тілі: қазақша

2008 жылдан бері эфирге шығып келеді

Бағдарламаны жүргізетін журналист: Алмас Байдрахманов.

Бағдарлама еліміздің ұстанған саяси, экономикалық бағыты, Президенттің тапсырмалары мен жемқорлыққа қарсы күрестің нәтижелерін сөз етеді.

  • «Бәсекелестік бағыты»

Эфирге шығатын уақыты: жұма,12.10

Ұзақтығы: 20 минут

Аптасына 1 рет эфирге шығады

Тілі: қазақша

2009 жылдан бері эфирге шығып келеді

Бағдарламада елдің бәсекелестікке қабілеті, экономикалық дамуы, бұл саладағы түрлі табыстар мен олқылықтар жайы сөз болады.

  • «Ел мен жер»

Эфирге шығатын уақыты: жұма, 09.10

Ұзақтығы: 20 минут

Аптасына 1 рет эфирге шығады

Тілі: қазақша

2005 жылдан бері эфирге шығып келеді

Бағдарламаны жүргізетін журналист: Бақтияр Хамит

Бағдарлама ауыл шаруашылығы саласына арналған. Ауыл шаруашылығына бөлінетін қаржы, астық пен мал шаруашылығының бүгінгі күйі, заманауи технологиялар мен ғылымды ауылдық өңірлерге тарту мәселесі сөз болады.

  • «Алақай»

Эфирге шығатын уақыты: сенбі, 09.35

Ұзақтығы: 20 минут

Аптасына 1 рет эфирге шығады

Тілі: қазақша

2006 жылдан бері эфирге шығып келеді

Балаларға арналған бағдарлама. Бағдарламаны жасау барысында хабарға бүлдіршіндердің өздері қатысып, түрлі өлеңдер оқып, ертегілер айтады, өнерлерін көрсетеді. Бұл бағдарлама балалардың шығармашылық дамуына арналған.

  • «Табиғат жаршысы»

Эфирге шығатын уақыты: жұма, 12.10

Ұзақтығы: 20 минут

Аптасына 1 рет эфирге шығады

Тілі: қазақша

2009 жылдан бері эфирге шығып келеді

Бағдарламаны жүргізетін журналист:

Бағдарлама қоршаған ортаны қорғау мәселесіне арналған. Бағдарламаны жасау барысында еліміздегі қорықтар, Қызыл кітапқа енген флора мен фауна, өндірістік қалдықтардың өңделуі сияқты көптеген тақырыптар көтеріледі.

  • «Жүрек қалауы»

Эфирге шығатын уақыты: сенбі, 21.10

Ұзақтығы: 20 минут

Аптасына 1 рет эфирге шығады

Тілі: қазақша

2009 жылдан бері эфирге шығып келеді

Бағдарлама елге танымал тұлғалардың сыр сұхбатына негізделген. Азаматтардың жеке өміріндегі түрлі оқиғалар, олардың балалық шағы және басқа да тақырыптар қамтылады.

  • «Тағдыр сыйы»

Эфирге шығатын уақыты: жексенбі, 09.10

Ұзақтығы: 20 минут

Аптасына 1 рет эфирге шығады

Тілі: қазақша

2009 жылдан бері эфирге шығып келеді

Бағдарлама әйелдерге арналады. Аналардың жеткен жетістіктері, өмірі ұрпаққа үлгі болған әйелдердің қызметі мен ғұмыр жолы жайында сөз етіледі.


  • «Астана - Бәйтерек»

Радиожурнал.

Эфирге шығатын уақыты: жексенбі, 09.35

Ұзақтығы: 20 минут

Аптасына 1 рет эфирге шығады

Тілі: қазақша

2006 жылдан бері эфирге шығып келеді

Бағдарламаны жүргізетін журналист: Салтанат Сәдібекқызы

Мақсаты: Астана қаласының еліміздің тарихында алатын орнының стратегиялық маңызы мен қаланың бүгінгі даму перспективасына байланысты Астанада тұратын әр сала мамандары мен сұхбаттар өткізу арқылы еліміздің бас қаласы - Астана қаласының мәртебесін асқақтату.

Радиожурналдың «Қонақ кәде» деп аталатын айдарында Астана қаласына еліміздің түкпір-түкпірінен қаланы көруге келген қонақтар Астана қаласынан алған әсерлерімен бөліседі.

«Жаңа ғасыр - Жаңа Астана» айдарында еліміздің бас қаласы, жаңа елордамыз - Астана қаласының мәдени, рухани өміріндегі оңды өзгерістер мен тың жетістіктер жайында сөз болады. Атап айтар болсақ, Елордадағы мәдени ошақтардың жай-күйі және Астанада қалыптаса бастаған мәдени инфрақұрылымдардың даму барысынан радиотыңдаушыларды үнемі үзбей хабардар етіп отырады.

«Астана және мемлекеттік тіл» айдарында Астанадағы мемлекеттік тілдің қолданылуы және даму барысы жөнінде тіл жанашырлары мен мамандардың қатысуымен арнайы сұхбаттар өткізіледі.

«Апта оқиғасы» айдарында Астанадағы бір аптада өткен есте қалар ерекше бір оқиға туралы айтылады.

  • «Көзқарас»

Эфирге шығатын уақыты: жексенбі, 12.10

Ұзақтығы: 20 минут

Аптасына 1 рет эфирге шығады

Тілі: қазақша

2009 жылдан бері эфирге шығып келеді

Бағдарлама саяси сараптама сипатында жасалады. Бағдарламаның мақсаты - қоғамдағы түрлі оқиғаларға ұлттың мүддесі тұрғысынан қарау, жетістіктер мен кемшіліктерді мемлекет құраушы ұлттың ұстанымы тұрғысынан сараптау.

  • «Асыл қазына»

Эфирге шығатын уақыты: жексенбі, 21.10

Ұзақтығы: 20 минут

Аптасына 1 рет эфирге шығады

Тілі: қазақша

2009 жылдан бері эфирге шығып келеді

Қазақстанның мәдениет саласына арналған бағдарлама. Бұл хабарда «Мәдени мұра» бағдарламасына енген мәселелер мен қазақтың салт-дәстүрі, ән мен күйі, жыр-дастандары, әдебиеті, мәдениеті сөз болады.

  • «Жаңалықтар»

Эфирге шығатын уақыты: Күнделікті. Әр сағаттың басында.

Ұзақтығы: 5 мин.

Еліміздің сырқы және ішкі саясаты мен қоғамдық-экономикалық өмірімен таныстыру және әлемдегі жаңалықтар топтамасы.

  • «Мен астаналықпын»

Эфирге шығатын уақыты: сәрсенбі, 13:00

Ұзақтығы: 50 мин.

Астананың рухани өміріне атсалысып, позитивті имиджін қалыптастыруға бағытталған хабар. Астанаға қатысты көптеген сұрақ-жауап айтылып, ақпараттар беріледі.

  • «Түнгі аялдама»

Эфирге шығатын уақыты: сәрсенбі, 21:00

Ұзақтығы: 60 мин.

Хабарда тыңдармандардың өтініштері бойынша әндер қойылады. Ойын-сауықтық айдарлары бар.


  • «101 пікір»

Эфирге шығатын уақыты: бейсенбі, 18:00

Ұзақтығы: 30 мин.

Жастарға арналған радиосұхбат форматындағы хабар. Тікелей эфирде хабарласқан тыңдармандармен жастарға қатысты мәселелер талқыланады.

  • «Сэт ин сешн»

Эфирге шығатын уақыты: бейсенбі-жұма, 15:00

Ұзақтығы: 100 минут

Жастарға арналған радиосұхбат форматындағы хабар. Бағдарлама барысында танымал диджейлердің музыкасы қойылады.

  • «Таныс болыңыз»

Эфирге шығатын уақыты: бейсенбі, 12:00

Ұзақтығы: 30 мин.

Қазақ халқының мәдени құндылықтарын насихаттауға арналған хабар.

  • «Желсіз түнде жарық ай»

Эфирге шығатын уақыты: сейсенбі-жұма, 21:00

Ұзақтығы: 30 мин.

Қазақ халқының асыл мұраларын халыққа насихаттау бағытындағы хабар.

  • «Прайм тайм»

Эфирге шығатын уақыты: күнделікті, 11:00-1200 және 20:00-21:00

Ұзақтығы: 110 мин.

Құттықтау хабары.

  • «Көкпар»

Эфирге шығатын уақыты: дүйсенбі, 12:00

Ұзақтығы: 30 мин.

Қазақтың тарихы, мәдениетімен қатар шет елдің жетістіктерімен халықты таныструға бағытталған хабар.

  • «Қас-қағым»

Эфирге шығатын уақыты: сәрсенбі, 18:00

Ұзақтығы: 30 мин.

Хабар барысында тыңдармандар арасында түрлі байқаулар ұйымдастырылады. Тыңдармандарға қойылатын басты талап - қазақ тілінде таза сөйлу.

  • «101 пікір»

Эфирге шығатын уақыты: жексенбі, 12:00

Ұзақтығы: 30 мин.

Жастарға арналған радиосұхбат форматында өтетін хабар.

  • «Талқылау сөздігі»

Эфирге шығатын уақыты: сейсенбі, 18:00; жұма, 12:00

Ұзақтығы: 30 мин.

Ана тіліміздің мәртебесін арттыруға, мемлекеттік тіл саясатын насихаттауға, «Ел бірлігі» доктринасында айқындалған міндеттерді жүзеге асыруға арналған хабар.

  • «Сөз орамдары»

Эфирге шығатын уақыты: жексенбі, 15:00

Ұзақтығы: 30 мин.

Мемлекеттік терминология комиссиясы бекіткен сөз тіркестері мен терминдерін халыққа жеткізуге, тілімізде бұрыннан бар тіркестерді халыққа насихаттауға арналған хабар.


  • «Жұлдызды Астана»

Эфирге шығатын уақыты:

Ұзақтығы: 30 мин

Астанадағы жас әншілердің шығармашылығмен таныстырып, олардың өнерін халыққа таныстыру арқылы Астананың рухани өміріне атсалысуға бағытталған хабар.

  • «Дарын»

Эфирге шығатын уақыты:

Ұзақтығы: 30 мин.

Өнерде жүрген танымал және де енді ел ризашылығына бөленіп келе жатқан азаматтардың шығармашылығына арналған хабар.

  • «КиноАрт»

Эфирге шығатын уақыты:

Ұзақтығы: 10 мин.

Кино өнері, жаңа технологиялар мүмкіндігін насихаттауға бағытталған хабар. Бағдарламада қазақ киносы мен әлем кинематографиясының жаңалықтарынан топтама беріледі.

Байланыс мәліметтері[өңдеу]

010000, Қазақстан Республикасы

Астана қаласы. Қонаев көшесі, 4,

Тікелей эфирдің телефоны: +7 (7172) 55-32-94; 55-33-47

Жарнама қызметінің телефондары: +7 (7172) 55-33-92

Сыртқы сілтемелер[өңдеу]