Атеринотәрізділер

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Silversides
Boeseman's rainbowfish, Melanotaenia boesemani, red variety
Boeseman's rainbowfish, Melanotaenia boesemani, red variety
Ғылыми топтастыруы
Дүниесі: Animalia
Жамағаты: Chordata
Табы: Actinopterygii
Сабы: Atheriniformes
Families

See text.

Атеринотәрізділер (Atherіnіformes) – нағыз сүйекті балықтар отряды. Дүние жүзінде Атеринотәрізділердің 5 тұқымдасқа, 40 туысқа бірігетін 180-дей түрі белгілі. Олар негізінен тропиктік және субтропиктік теңіздердің жағалауларында тіршілік етеді. Бұрын Атеринотәрізділер кефалтәрізділер отрядының құрамында қарастырылатын. Соңғы кезде Атеринотәрізділердің дамуы мен тіршілік ерекшеліктері кефалтәрізділерден мүлдем өзгеше екені анықталды. Атеринотәрізділердің арқасында екі жүзбе қанаттары бір-бірінен алшақ орналасқан. Алдыңғы арқа жүзбеқанатының сәулелі талшықтары жұмсақ, солқылдақ. Көпшілік түрлерінде бүйір сызығы байқалмайды. Жұп құрсақ жүзбеқанаттары құрсағының алдыңғы тұсында және жұп көкірек жүзбеқанаттарынан сәл ғана кейін орналасқан. Қазақстанда атерина туысына жататын Каспий атеринасының бір түр тармағы – Atherіna boyerі caspіa кездеседі. Ол Каспий теңізіне Жайық өзені құятын сағасында тіршілік етеді. Арал теңізіне кездейсоқ жерсіндірілген. Оның бүйір сызығы болмайды. Бүйірінің екі жағында ұзына бойына созылған қара қоңыр кейде күміс түстес жолағы болады. Бас бөлімінің үстіңгі жағында қабыршақтары болмайды. Алдыңғы арқа жүзбеқанатында 7 – 9 сәулелі талшықтары бар. Денесінің ұзындығы 11,7 см. Бекірелердің қорегіне бәсекелестік жасайды, өздері басқа балықтарға қорек болып табылады. Кәсіптік маңызы жоқ.[1]

Сілтемелер[өңдеу]

Сыртқы сілтемелер[өңдеу]

Дереккөздер[өңдеу]

  1. Қазақ энциклопедиясы I том