Атом қаруынан қорғану

Атом қаруынан қорғану (Противоатомная защита (ПАЗ)) — әскери техниканы және олардың ішіндегі адамдарды соққы толқындарынан, ядролық жарылыстың зиянды сәулелерінен, өтпелі радиациялардан, радиоактивтік заттармен зақымданудан қорғауға арналған арнайы жүйе. Әскери техниканы артық қысым әсерінен және соққы толқынының күшінен қорғау үшін ол автоматты герметизацияланып, жылжымалы бөліктері, атыс ойықтары, байқау аспаптары, люк төбелері және т.б. арнайы тығыздалып жабдықталады. Әскери техниканың оптикалық аспаптары мен ішкі жабдықтарын зиянды сәуледен қорғау үшін саптамалар немесе зиянды сәуле әсерінен қара болатын, ал содан кейін дұрыс жарық жағдайында өздерінің молдірліктерін қалпына келтіретін жарақтар қолданылады. Өтпелі радиация ағынынан қорғану үшін нейтрондар мен гамма-сәулелерді сіңіретін арнайы құрылғылар қолданылады. Радиоактивті зақымдардан қорғаныс сүзгілік-желдеткіш жабдықтарды (қондырғыларды) қолдану арқылы жүзеге асады.