Атыс қаруы мен гранат-атқыштан ату

Атыс қаруы мен гранат-атқыштан ату (Стрельба из стрелкового оружия и гранатометов) — жаяу әскердің ұрыс машиналарының атыс саңылауынан, автомобиль мен тікұшақтардың кемерінен жатып, тізерлеп отырып, жүріс кезінде жүргізілуі мүмкін атыс түрлері. Автоматтандырылған қарудан атысты кезекті немесе үздіксіз түрде жүргізеді. Жылжымалы нысаналар бойынша атыс кезінде нысананы қоштау немесе күту, әуе нысаналары бойынша (бөлімшемен, взводпен ату) қоштау немесе бөгеу тәсілдері қолданылады. Станокты пулеметтерден аралыққа, қапталдардан және өз бөлімшелерінің үстінен атыс жүргізілуі мүмкін. Әсіресе, бойлата атыс тиімді болып келеді. Танктерде, жаяу әскердің ұрыс машиналарында және бронетранспортерларда қондырылған атыс қаруынан атыс орындарынан, қысқа аялдауларда және жүріс кезінде жүзеге асырылады. Танкіге қарсы гранататқыштардан атыс, әдетте, сауытталған нысаналар бойынша жүргізіледі. Кейбір станокты гранататқыштардан жарықшақты гранаттармен атыс жүргізілуі мүмкін.