Ахмедьяр Дәуленұлы Хұсайынов
Ахмедьяр Дәуленұлы Хұсайынов(08.05.1924 жылы туған, Орал облысы,Орда ауданы-1986) - Кеңес Одағының Батыры(1943). 1947 жылдан КПСС мүшесі. Ол Ордадағы М.Горький атындағы орта мектепті бітіргеннен кейін,1942 жылы шілдеде Қызыл Әскер қатарына алынды. 1943 жылдың қазанына дейін 4- Украина майданына қарасты 116- Қорғаныс полкінің құрамында соғысқа қатысты. Мелиотополь қаласын азат ету үшін болған ұрыста бір өзі жаудың 40 шақты солдатын жойды. Осы ерлігі үшін оған Кеңес Одағының Батыры атағы берілді. Хұсайынов Қазақтың Абай атындағы педагогикалық институтын бітірді (1949). 1949-72 жылдары халық ағарту саласында қызмет істеді. 1972 жылдан халық депутаттарының Фурманов ауданы Кеңесі аткомы председателінің орынбасары.
Сыйлықтары[өңдеу | қайнарын өңдеу]
Ленин орденімен,медальдармен марапатталған.
Қолданылған әдебиет[өңдеу | қайнарын өңдеу]
- Қазақ Совет энциклопедиясы, 1978 жыл, Алматы,12 том, 62 бет