Аязбай Қайырғалиұлы Усманғалиев

Аязбай Кайырғалиұлы Усманғалиев - 1963 жылы 29 қарашада Орал облысы Шыңғырлау ауданының Шелек кентінде туған. Қазақ. Әкесі - Усманғалиев Қайырғали Усманғалиұлы, марқұм, шопан болған. Анасы - Досмұханбетова Айжамал Сарықызы, зейнеткер, шопан болған. Батыс Қазақстан ауыл шаруашылығы институтының экономика және ауыл шаруашылығын ұйымдастыру факультетін (1989) ауыл шаруашылығы өндірісін ұйымдастырушы және экономист мамандығы бойынша; Л.Б. Гончаров атындағы Қазақ автокөлік-жол университетінің автокөлік жолдары және аэроғарыштар құрылысы факультетін (2004) инженер мамандығы бойынша бітірген. Қазақ және орыс тілдерін біледі. «Нұр Отан» ХДП мүшесі (1999 жылдан).

• 1981 жылдан - Орал облысы Шыңғырлау ауданының №18 арнайы мамандандырылған кәсіби-техникалық училищесінің тракторшысы.
• 1982 жылдан - Кеңес Әскерінің қатарында қызметте.
• 1984 жылдан - Батыс Қазақстан ауыл шаруашылығы институтының студенті.
• 1989 жылдан - Ақтөбе облысы «Сарықобда» кеңшарының экономисі.
• 1993 жылдан - Ақтөбе облысы «Қызыл масақ» кеңшарының экономисі.
• 1994 жылдан - Ақтөбе облысы Алға ауданы Черноводск бөлшек сауда кәсіпорынының директоры.
• 1997 жылдың қарашасынан 2001 жылдың тамызына дейін - «Жаңа Әлжанов ұсақтау комбинаты» жабық АҚ қаржылық талдау бөлімінің бастығы, 1998 жылдың тамызынан - қаржы директоры, 2000 жылдың қаңтарынан - коммерциялық директоры.
• 2001 жылдың тамызынан - Ақтөбе облыстық автожолдар басқармасының бастығы м.а., сапаны бақылау және зертхана бөлімінің бастығы.
• 2005 жылдан - Көліктік инфрақұрылымды дамыту комитеті Ақтөбе облыстық басқармасы бастығының орынбасары.
• 2008 жылдан - Ақтөбе облыстық автомобиль жолдары департаменті директорының орынбасары.
• 2010 жылдың қаңтарынан бері - Ақтөбе облысы Хромтау ауданының әкімі. «Нұр Отан» ХДП Хромтау аудандық бөлімшесінің төрағасы (2010 жылдан).

Әскери атағы - запастағы лейтенант.
Діни көзқарасы - атеист.
Саяси қайраткер ретіндегі идеалы - Н.Ә. Назарбаев.
Қазақстанның болашағы туралы болжамы - «Зайырлы егемен мемлекет».
Хоббиі - спорт.
Сүйіп оқитын әдебиеті - көркем әдебиет, тарих.

Үйленген. Жұбайы - Усманғалиева Клара Жұмахметқызы, үй шаруасымен айналысады. Қызы - Усманғалиева Әсем Аязбайқызы, ҚМЭБИ студенті; ұлы - Усманғалиев Серік Аязбайұлы, Хромтау қаласы №2 мектеп-гимназиясының оқушысы.