Ақиқат бәйтерегі
Ақиқат бәйтерегі – 2003 жылы қыркүйек айында Астанада өткен Әлемдік және дәстүрлі діндер жетекшілері съезінің оқиғаларын арқау ете отырып, тіршілік негізі әрі бейбітшілік үмітінің мәңгілік ізгілігі туралы 26 минуттан тұратын, екі бөлімді деректі фильм. [1]
Негізгі оқиға: Президент резиденциясы, Салтанат сарайы, «Бәйтерек» монументі және «Интерконтиненталь» қонақүйі мен Конгреес-Холлда өтеді. Фильмді түсіруге үш ай әзірлік кезінде Телдерадиокешен тарапынан 5 минуттық «Бәйтерек: Дала мен Таулар аңызы» атты мультфильм, «CNN» телеарнасынан бірнеше рет көрсетілген әлеуметтік мағынадағы бейнеролик те пайдаланылды. Сценарий жобасы төрт рет өзгеріске түсті. Бірнеше сағаттан тұратын бейнематериалдан 52 минут қана таңдап алынды.
Фильм авторының оқиға желісін жалғастыратын түсініктемелерінің үштен бірі ғана қорытынды туындыға енді. Ал жазылған сұхбаттардың оннан бірі ғана фильмнен орын алды. Бұған себеп мәртебелі дінбасылардың Елбасы Н. Назарбаев жүргізген «дөңгелек үстел» басындағы әңгімелерінің маңыздылығынан еді. Екіншіден, фильм стилі оқиға желісімен өрбіді. Дінбасылардың жеке дара камера алдындағы сөзінен гөрі, барлық дін өкілдері алдындағы баяндамалары, дүниежүзінде бірінші рет өткізілген дінаралық үнқатысу съезінің деректілігін дәйекті түрде көрерменге жеткізуге мүмкіндік беретіндігі фильмде қатаң ескерілді.
Сценарий авторы - Махат Садық.
Дереккөздер[өңдеу | қайнарын өңдеу]
- ↑ Қазақ телевизиясы. Энциклопедия. – Алматы: «ҚазАқпарат», 2009, 1-т. – 640 б.ISBN 978-601-03-0070-5
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|