Ақтөбе зираттары

Ақтөбе зираттары, Ақтөбе ауылдық округінің оңтүстік батысындағы зираттар — көне зираттар тізбегі. Аққұм елді мекенінен оңтүстік-батысқа карай 3 км жерде. Шәуілдір—Шардара тас жолының екі жағында орналасқан. 2005 жылы " Көксарай барлау тобы" (жетекші Х.Айтқүл) зерттеген. Зираттар оңтүстік-шығыстан, солтүстік-батысқа қарай тізбектеле, созылып жатыр. Тас жолдың оң жағында 3 зират, сол жағында 2 зират бар. 1-зират аумағы 36 м, биіктігі 1,60 м, одан 55 м жерде аумағы 14, биіктігі 0,3 м келген 2-зират орналасқан. 3-зират 2-зираттан 110 м аралығында, аумағы 18 м, биіктігі 0,5 м. Жолдың сол жағында 100 м қашықтықта 4-зират орналасқан. Зират аумағы 17 м, биіктігі 0,4 м. 5-зират 4-зираттан 300 м жерде, аумағы 24 м, биіктігі 1-1,50 м. 5-зираттан солт-ке қарай 80 м жерде төрткүл типтес корған орны бар.