Ақылжан Мәсімханұлы Бейсебаев

Ақылжан Мәсімханұлы Бейсебаев (20.5.1936 ж.т., Алматы облысы Талғар қ.) – тех. ғыл. докт. (1989), проф. (1989).

• Қазақ таукен металлургия ин-тын (1960, қазіргі Қазақ ұлттық тех. ун-ті) бітірген соң, «Қарағандыкөмір» комб-тында тау-кен шебері, 31-шахта бастығының көмекшісі, қауіпсіздік бөлімінің жетекші инж. болды. 1964–1996 ж. бұрғылау-жару полигонының бас инж., Қазақ ұлттық тех. ун-тінде аға оқытушы, доцент, кафедра меңгерушісі. «Құрмет Белгісі» орденімен марапатталған.
• Қазақ кен-металлургия институтын (1960) тау-кен инженері мамандығы бойынша бітірген. Техника ғылымдарының кандидаты (1968), докторы (1987). Академик, профессор. 19 монографияның, оның ішінде «Жер асты кеніштеріндегі жаппай жарылыстар» (1973), «Жаппай жарылыстарды жүргізудің қауіпсіздігі» (1982) және басқалардың, 2 оқулықтың, 44 мақаланың, 47 баяндаманың авторы. 55 өнертабыс пен патенттің авторы.
• 1960 жылдан - Қарағанды қаласы №31 шахтаның кен шебері, учаске бастығының көмекшісі. 1963 жылдан -«Қарағандыкөмір» комбинатының жетекші маманы. 1964 жылдан - Қ.И. Сәтбаев атындағы ҚазҰТУ бұрғылау жарылыс полигонының бас инженері, оқытушысы, доценті,кафедра меңгерушісі, жарылыс жұмыстарының салалық ғылыми-зерттеу зертханасының ғылыми жетекшісі. «Орталық Азия кенөнеркәсіп одағы» ҚБ президенті (1999 жылдан). «Қазақстанның кен журналының» бас редакторы (2001 жылдан).
• «Құрмет белгісі» орденімен (1985), 4 медальмен, 3-ші (1986) және 2-ші (2006) дәрежелі «Шахтер даңқы» белгісімен марапатталған. ҚР білім беру жүйесінің Құрметті қызметкері (2006). ҚазКСР Министрлер кабинеті сыйлығының лауреаты (1991).