Ақын Сара атындағы көшесі (Астана)
Бұрынғы атауы №98 көше. «Комсомольский» тұрғын алабы. Ақын Сара көшесі Домалақ ана көшесінен басталып, Қарашаш ана, Ләйлі-Мәжнұн, Жұбан ана, Айғаным көшелерімен қиылысады. Ұзындығы - 999,3 м. Сара Тастанбекқызы (1853-1907) - ақын. Әкесінен ерте айырылыс әкесінің інісі Жайсаңбектің тәрбиесінде өскен. Сөзге тапқырлығымен, кесіп айтар шешендігімен елді сүйсінткен. Айтыс өнеріне әбден төселген Сара Арсалаң, Ниязбек сал, т.б. ақындарды өнер жарысында жеңіп шыққан. Оның жастайынан ақындық жолды ұстағанына «Он үште домбыра алып сөз сөйлеп ем, Көлемін бір сүрінбей жалғыз қара» деген өлең жолдары дәлел. Сараның лирикалық өлеңдері - көбіне өз тағдырын, жеке басының мұң-зарын арқау еткен туындылар. Нәзік лиризм мен ой-толғаныстарға толы «Ортақ мұң», «Аққыз», «Қарлығаш», «Торығам», т.б. жырларында өзі өмір сүрген ортаның шынайы қалпы суреттеліп, әлеуметтік қатынастар қалыптастырған адам мінез-құлықтары нақты көрініс тапқан.[1]
Дереккөздер[өңдеу | қайнарын өңдеу]
- ↑ Астана көшелері /Құрастырушы: Е. Тілешев, О. Сүлейменов. Алматы: 2008. ISBN 9965-32-642-8
| Қазақша Уикипедияда «Астана» порталы бар |
Сыртқы сілтемелер[өңдеу | қайнарын өңдеу]
- Астана қаласының жоспар-кестесі анықтамалық онлайн картасы Мұрағатталған 16 қаңтардың 2013 жылы. (қаз.) (ағыл.) (орыс.)