Аққұм төрткүлі

Аққұм төрткүлі - көне қалашық орны. Аққұм елді мекенінен оңтүстік-батысқа карай 3 км жерде. 2004 жылы Отырар мемлекеттік археологиялық қорық-музейінің археологиялық экспедициясы (жетекші С.Ахмет), 2005 жылы Оңтүстік Қазақстан археологиялық кешенді экспедициясының "Көксарай барлау тобы" (жетекші Х.Айтқұл) зерттеген. Ескерткіш орны төрт бұрышты созыла жатқан төбе, солтүстік-шығыс жағының ұзындығы 65 м, солтүстік-батысының ұзындығы 66 м, оңтүстік-батыс жағының ұзындығы 37 м. Төрт бұрышында мұнара іздері бар. Есігі солтүстік- шығыс қабырғаның ортасында сияқты, өйткені бұл жер басқа қабырғалар деңгейіне қарағанда сәл төмен орналасқан. Төрткүлдің солтүстік жағынан ескі канал арналары анықталған.