Ақ бұзау

Ақ бұзау - қазақ балаларының ұлттық ойыны. Көп бала жиылып ойнайды. Бүкіл балалар етпетінен жерге жатып, бір бала жатқан балалардың үстіне шығып тұрады. Сонда астындағы бала: «Бұл кім-ау?» - дейді. Сонда әлгі бала: «Сеңгірбай пұшықпын» - дейді. «Нең жоқ?» - дейді. «Ақ бұзауым жоқ» - деп жауап береді. Ол: «Ақ бұзауымды көрдің бе?» - дейді. «Жоқ, көрмесем де азан қашырсаң тауып берейін», - дейді. Сонда, азан шақырады: Аллаху әкбар, Аллаху әкбар, Аяқ сала, аяқ пәле, — дейді. Сонда, әлгі балалар «ақ бұзауыңды мен жедім» деп қашады, «Сеңгірбай пұшық» куады. Балалар амал қылып, бұзауым жоғалтқан «Сеңгірбай пұшыққа» «мынау бұзауыңның басы» деп, болмаса аяғы деп бірнәрсе әкеп береді. Ол алып кетіп қалады.