Ақ шағылда туған арман
«Ақ шағылда туған арман» – көрнекті жазушы, мемлекет қайраткері Әбіш Кекілбаев туралы Сұлтан Оразалының «Қазақ зиялылары туралы антология» сериясы бойынша түсірілген деректі фильмінің бірінші бөлімі. [1]
Фильмнің ұзақтығы - 35 минут. Бұл туындыда жазушының жастық шағы, есейген, қаламгерлік талантының қалыптасып, толысқан кезеңі бейнеленеді. Маңғыстаудың қайталанбас табиғаты, жазушының туып-өскен ортасы, замандастары, жазушы шығармаларындағы кейіпкерлері өмір кешкен орта шеберлікпен көрсетіледі.
Фильмде белгілі сөз зергері Ә. Нұрпейісов, жазушылар Г.Бельгер, А.Сейдімбеков, Т.Әбдіков т.б. қаламгер Ә.Кекілбаев шығармашылығын әр қырынан ашып, толықтыра түседі.
Фильмнің екінші бөлімі «Парасат биігінде» деп аталады. Ол жазушының қоғамдық, мемлекеттік қызметіне арналған. Екі фильмнің де авторы - Сұлтан Оразалы. Бұл туынды «Қазақстан», «Хабар» телеарналары арқылы сан мәрте көрсетілді.
Дереккөздер[өңдеу | қайнарын өңдеу]
- ↑ Қазақ телевизиясы. Энциклопедия. – Алматы: «ҚазАқпарат», 2009, 1-т. – 640 б.ISBN 978-601-03-0070-5
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|