Ақ қабық

1. Ақ қабық
2. тамырлы қабық
3. шлемм өзектері
4. нұрлы қабықтың түбірі
5. қасаң қабық
6. нұрлы қабық
7. қарашық
8. көздің алдыңғы қуысы
9. көздің артқы қуысы
10. кірпікті дене
11. көз бұршағы
12. шыны тәрізді дене
13. торлы қабық
14. көру жүйкесі
15. зонуляр талшықтар

Ақ қабық (лат. sclera) — орташа қалыңдығы 0,4-0,6 мм, қалыптасқан тығыз дәнекер ұлпасынан құралған көздің сыртқы талшықты (фиброзды) қабығының ақ түсті тығыз бөлігі. Ол көздің фиброзды қабығының 4/5 бөлігін құрайды. Ақ қабық бір бағытта параллельді тығыз орналасқан коллаген талшықтарының шоғырлары мен олардың аралықтарындағы қатарласып жатқан фиброциттерден құралған. Ақ қабықтың қасаң қабықпен шекарасындағы лимба аймағында, коллаген шоғырлары аралықтарында бір-бірімен тарамдала байланысқан қуыстар болады. Олар ақ қабықтың веналық қойнауларын (шлемм өзектерін) түзеді. Көздің ақ қабығы алдыңғы жағынан көздің кілегейлі қабығымен қапталған, ал оның артқы бетіне көз бұлшықеттері бекиді.