Баллон

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Баллон

Баллон [1](французша ballon, италянша pallone — доп) — қолдану мақсатына байланысты металдан, полимерден, резинадан, матадан, шыныдан, т.б. материалдардан жасалатын газ өткізбейтін қабық не ыдыс. Мысалы, автомобиль баллоны (камера) резинадан жасалады. Ішіндегі ауасы шығарылып (вакуум орнатылған немесе инертті газбен, сынап буымен толтырылған), электродтармен жабдықталған электро-вакуумдық не иондық баллон (колба) шыныдан, металдан, керамикадан жасалады. Газ сақтауға және тасымалдауға арналған баллон резинадан не резиналы матадан (атмосфералық қысымда) және болаттан (100 кгс/см² дейінгі қысымда) жасалады. Ауадан жеңіл газбен толтырылған баллондар аэростат, дирижабль, т.б. қызметін атқарады.

Баллондар түрлеры[өңдеу]

  • Оттектік баллон (Баллон кислородный) — оттекті жоғары қысымда сақтап, тасымалдауға, пайдалануға арналған цилиндр пішімді болат сауыт. Сыйымдылығы су көлемімен алғанда 40 дм3 баллондар кең түрде қолданылады. Баллонда 150 МПА қысыммен 293 К температурада 6 м3 оттек сыйым- далынады. Газбен толтыру нақтылы қысымы болмедегі температураға тәуелді.
  • Ацетилендiк баллон (Баллон ацетиленовый) — ацетиленді сақтауга, тасымалдауға арналған болат сауыт. Ацетилен қопарылыс беру қаупі жоғары газ болғандықтан, баллонный ішкі көлемі ацетонмен қанықтырылған арнайы кеуек материалмен толтырылған. Ацетилен ацетонда жақсы ериді жөне кеуекті ортада майда кө- лемді болып оқшауланып келеді де, ол едөуір қысым әсерінде болған жағдайда да қопарылыс бермейді.

Баллонның толтырылу қысымы 293 К температурада 1,9 МПА және 5,1 м3 газ ацетилен ацетонда ерітілген түрінде болады.

Сілтемелер[өңдеу]

[2]

Дереккөздер[өңдеу]

  1. "Қазақ Энциклопедиясы"
  2. Қазақ тілі терминдерінің салалық ғылыми түсіндірме сөздігі: Машинажасау. — Алматы: "Мектеп" баспасы, 2007. ISBN 9965-36-417-6

}