Бастұмсықтылар
Бастұмсықтылар (Cephalorhyncha) – тип немесе тип тармағы. Омыртқасыздардың жаңа жіктелімі бойынша жұмыр құрттардың салыстырмалы эмбрионалдық дамуы мен кейбір ерекшеліктеріне сәйкес тип немесе тип тармағы ретінде қарастырылады (В.В.Малахов, 1989). Белгілі орыс ғалымы И.Х. Шарова да бастұмсықтыларды жеке тип ретінде алған. Бастұмсықтылардың құрамына киноринхалар, приапулидалар және шаштәрізділер топтастырылған. Бастұмсықтылардың денесінің алдыңғы ұшы созылмалы тұмсыққа айналған, типтің аталуы осыған байланысты. Олардың ұрығының дамуының бастапқы кезеңінде бластопорадан алғаш артқы тесік пайда болып, ауыз тесігі екінші рет қайта түзіледі. Денесінің сыртын кутикула қабығы қаптайды. Кейбір түрлерінде зәр шығару мүшесінің қызметін протонефридия өзекшелері атқарады. Кейбіреуі түрленіп дамиды, араларында түрленбей дамитындары да бар.[1]
Дереккөздер[өңдеу | қайнарын өңдеу]
- ↑ Қазақ Энциклопедиясы
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |