Бахтияр Талапбекұлы Тәуірбеков

Бахтияр Талапбекұлы Тәуірбеков (19 маусым, 1954 жыл, Павлодар қаласында туған) - суретші.

Өмірбаяны

• Алматы мемлекеттік көркем-театр институтының көркем-сурет факультетін бітірген (1992), декоративтік-қолданбалы өнер суретшісі.
• 1992 жылдан жеке шығармашылық қызметпен айналысады.
• 1997-1999 жылдары - Қазақстан Суретшілер Одағы төрағасының орынбасары (Алматы қаласы).
• 2009 жылдан бері - Қазақстан Суретшілер Одағының жауапты хатшысы.

Отбасы

• Әкесі - Тәуірбеков Талапбек Елеубекұлы, марқұм, облыстық прокуратураның тергеу бөлімінің бастығы қызметін атқарған. Анасы - Тәуірбекова Нағима Жұмагелдіқызы, зейнеткер, облыстық драма театры труппасының меңгерушісі болып жұмыс істеген.
• Үйленген. Жұбайы - Тәуірбекова Мария Пішембайқызы.
• Ұлдары - Тәуірбек Жанат Бахтиярұлы (1983 жылы туған), кадрлық әскери қызметкер; Тәуірбек Махамбет Бахтиярұлы (1985 жылы туған), «Центр Азии» журналының дизайнері;
• Қызы - Тәуірбек Ботагөз Бахтиярқызы (1987 жылы туған).