Бақташылар

Жалпы мағлұматтар

Бақташылар - 13-14 ғасырда қазіргі Бельгия мен Франция жерінде болған антифеодалдық бірнеше шаруалар көтерілісіне қатысушылардың жалпы аты. «Бақташылардың» тұңғыш көтерілісі Берриде, Францияның басқа да шет аймақтарында 1214 жылы бұрқ ете түсті. Көтерілісшілер ғибадатханаларды, қорғандарды, байлардың үйін қиратып, «баршаға бірдей теңдік» орнайтын күн келді деп жариялады. Оларды дворян отрядтары аяусыз жаншыды: феодалдық қанаудың салдарынан қайыршылық халге жеткен. «Бақташылардың» екінші елеулі көтерілісі Францияда кең құлаш жайды (1251). 10000 шамалы адам қатысты. Көтерілісті король үкіметі жергілікті феодалдармен бірігіп жаншыды.