Бақытжан Жамаладинұлы Жанмолдаев

Бақытжан Жамаладинұлы Жанмолдаев (1955 наурыздың 29-ында туған) – техника ғылымдарының докторы (2004), профессор (2004).

Қысқаша өмірбаяны

Бақытжан Жамаладинұлы Жанмолдаев
Дүниеге келгені:	1955 наурыздың 29-ында туған
Мансабы:	техника ғылымдарының докторы, професор

• 1982 - ҚазМУ-ды ( қазіргі ҚазҰУ) бітірген.
  
• 1983–1990 - Жамбыл гидромелиоративтік-құрылыс институтының Қызылорда бөлімшесінде оқытушы;
  
• 1990–1993 - Мәскеу инженер-құрылыс институтында аспирант;
  
• 1993–2001 - Қызылорда қаласының жоғары оқу орындарында аға оқытушы, доцент, кафедра меңгерушісі, факультет деканы қызметтерін атқарды.
• 2003 жылдан - Қызылорда мемлекеттік унститутінің Қашықтан оқыту және мамандарды қайта даярлау орталығының директоры қызметінде.

Ғылыми еңбектері тұтқыр, серпімді пластиналар мен құрылым тербелістерінің математика теориясын құру және ол тербелістерге температураның тигізетін әсерін зерттеуге арналған. ҚР Білім және ғылым министрінің «Қазақстан ғылымының дамуына қосқан үлесі үшін» медалімен марапатталған.