Бежінтау жотасы
| Бежінтау жотасы | |
| Сипаттамасы | |
|---|---|
| Тау жүйесі | |
| Ұзындығы |
100 км |
| Биіктігі |
4098 м |
| Орналасуы | |
| Елдер | |
Бежінтау – Жетісу (Жоңғар) Алатауының шығыс бөлігіндегі жота. Қазақстан аумағындағы ең биік жері – 4098 м. Ұзындығы 100 км шамасында. Тоқсанбай мен Тышқантау жоталарының түйіскен жерінен басталып, шығысқа, Қытай аумағына қарай ұласады.
Жер бедері[өңдеу | қайнарын өңдеу]
Жотаның күнгей беткейі тік жарқабақты, қатты тілімденген, солтүстігі кертпештелген баспалдақ пішіндес. Баурайынан үлкенді-кішілі өзендер бастау алады. Ірілері: Көксу, Қорғас, Ортақсары. Жотада 50-дей мұздық бар.
Геологиялық құрылымы[өңдеу | қайнарын өңдеу]
Метаморфтанған кварцит, әктас, тақтатас, гранит жыныстарынан түзілген.
Топырағы, өсімдігі[өңдеу | қайнарын өңдеу]
Бежінтауда тауға тән альпілік және субальпілік шалғын шөп өскен шым топырақ қалыптасқан. Жотаның солтүстік беткейінде қарағайлы-шыршалы орман, ал 600 – 1300 м биіктікте (таулық-далалық белдеу) бұта аралас дала өсімдіктері өседі. [1]