Бейзоналылық

Бейзоналылық — қарастырылып отырған аумақтың зоналық ерекшеліктеріне бағынбайтын кейбір табиғат құбылыстарының таралуы, басты физикалық-географиялық заңдылықтардың бірі. Б. зоналылықпен бірге аймақтың табиғат кешендерінің негізгі қалыптасу құрылымын да анықтайды. Әдетте, геологиялық құрылым литологиялық ерекшеліктерімен, тектоникалык режімімен, жер бедерінің сипатымен және т.б. эндогендік факторлармен айқындалады. Осы себептерден болған ландшафттың зоналылық сипаттарының өзгерістері климаттағы, су режіміндегі, топырақтардағы және органикалық әлемдегі кеңістіктік айырмашылықтарға жеткізеді. Б. әсіресе таулар мен оған іргелес аумақтарда айқын көрініс табады. Кейде Б. интрозоналылық атауымен де беріледі.