Валерий Яковлевич Синельников

Валерий Яковлевич Синельников
Туған күні	22 наурыз 1924 (1924-03-22)
Туған жері	Орынбор губерниясы Елек ауданы Елек селосы
Қайтыс болған күні	2 шілде 1980 (1980-07-02) (56 жас)
Қайтыс болған жері	Одесса
Азаматтығы	КСРО
Қызметі	екінші дүниежүзілік соғысқа қатысушы, жаяу әскер.
Марапаттары мен сыйлықтары	Кеңес Одағының Батыры (1943)

Валерий Яковлевич Синельников (22.03.1924 – 02.07.1980) – екінші дүниежүзілік соғысқа қатысушы, жаяу әскер, Кеңес Одағының Батыры (1943).

Өмірбаяны

1924 жылы Орынбор губерниясы Елек ауданы Елек селосында туған. 1932 жылы оның ата-анасы Ақтөбеге көшіп келген. Есепшілер курсын бітіріп, демалыс үйі бухгалтерінің көмекшісі болып жұмыс істеген. 1942 жылы Кеңес әскері қатарына алынып, майданға барды. Сталинград, Курск шайқастарына, Украинаны, Молдованы азат етуге, Сталинград, Воронеж, 1-Украина майдандарындағы және Днепр, Буга, Днестр, Прут өзендерінен өту кезіндегі ұрыстарға қатысты. 529-атқыштар полкінің (Воронеж майданы 38-армия 163-атқыштар дивизиясы) Синильников басқарған пулеметшілер тобы 1943 жылдың 1 қазанында Киев облысы, Вышгород ауданында Днепр өзенінен алғашқылардың бірі болып өтті. Плацдармды басып алып және оны қорғап қалу үшін болған шайқаста Синильниковтің пулеметшілер тобы жаудың екі атыс нүктесін жойып, екі қол пулеметін қолға түсіреді.

Марапаты

КСРО Жоғарғы Кеңесі Төралқасының Жарлығымен Синильниковқа Кеңес Одағының Батыры атағы беріліп, Ленин ордені және «Алтын Жұлдыз» медалдарымен марапатталды (29.10.1943). Синильников соғыстан кейін де әскери қызметін жалғастырды. 1946 жылы Рязань артиллериялық училищесін бітіріп, офицер болды. 1971 жылы подполковник Синильников запасқа шықты. Украинаның Одесса қаласында тұрып, Одесса мемлекеттік университетінде кызмет істеді.