Валюталық бара-барлық

Валюта бара-барлығы немесе Валюталық бара-барлық - екі валютаның заңнамалық тəртіппен белгіленетін арасалмағы. Ол алтынға ұсақталмайтын қағаз ақшаның айналысы жағдайында түрлі елдер валюталарының арасалмағы (үкімет ресми белгілеген алтынның ұлттық ақша өлшеміне шаққандағы мөлшері) болып есептеледі. Əдетте тепе-теңдіктен ауытқитын валюта бағамының негізі болып таюылады. Үкімет ел ішіндегі баға қозғалысы мен шетелдік валютаның сатып алу күшіне қарай өзгеретін Валюталық т-т. валюталардың сатып алу күшінің тепе-теңдігі деп аталады. Алтынның (күмістің) ақша ретіндегі айналысы кезеңінде жəне қағаз ақшаның алтынға еркін айырбасталуы кезінде (бірінші дүние жүзілік соғысқа дейін) ақша өлшемінің құрамындағы таза алтынның мөлшеріне қарай мəнеттің тепе-теңдігі деп аталады. Оның күші тоқтатылғаннан кейін Валюталық тепе-теңдігі СДР - Халықаралық валюта қоры шығаратын халықаралық төлем жəне сақтық қор құралы, ЭКЮ (1979-1999), валюталардың белгілі бір жиыны, сондай-ақ жекелеген валюталар негізінде белгіленеді. Мысалы, АҚШ долларына 21 валюта (1999), СДР-ге 4 валюта тіркелді, француз франкіне 15 валюта (1998) байланды. 1999 ж. 1 қаңтардың еуро енгізілгеннен кейін Валюталық тепе-теңдігін еуромен белгілеген елдердің саны көбейеді, он жыл ішінде еуроға 50 мемлекет, ең алдымен француз франкінің аймағы, ЕҚ-ға қауымдасқан мемлекеттер қосылуы мүмкін. Валюталық тепе-теңдігі ресімді сипатта болып келеді жəне тек валюталардың нарықтық бағамы ғана тіркеледі (мысалы, кросс-бағам кезінде - АҚШ-тың долларына, ал сол арқылы басқа валюталарға теңдестіріледі).