Вахит Мансуров

Мансуров Вахит — журналист, баспагер. Қазақстан Республикасы Журналистер Одағының мүшесі, Қазақстан Республикасы Халық ағарту ісінің және Қазақстан баспасының озық қызметкері.

1928 жылы 1 каңтарда Алматы облысы Шелек ауданы Байсейіт ауылында туған. 1951 жылы Абай атындағы Алматы Педагогика институтынын физика-математика факультетін бітірген. 1951 жылдан Қазақстан Оқу министрлігінде ұйғыр мектептері бойынша инспектор болып қызмет істеп, 1955 жылы Казучпедиз (қазіргі "Мектеп") баспасына жұмысқа ауысады. Алғаш редактор, кейін аға редактор болып істеп, 1965 жылдан 1991 жылға дейін жаратылыстану-математика пәндері бойынша ұйғыр редакциясынын меңгеруші қызметін атқарып, зейнет демалысына шығады. Физика, математика, химия, биология, астрономия сияқты жаратылыстану-математика пәндері оқулықтарын ұйғыр тілінде аударуға қатысқан. "Физика-математика терминдерінің ұйғырша түсіндірме сөздігінің" авторы.

Осы кунде де құрметті демалыста жүріп, ұйғыр тілінде оқулықтар мен оқу-әдістемелік құралдарын өндіріске дайындау жұмыстарына белсенді атсалысуда.