Венера (ғарыштық бағдарлама)
“ВЕНЕРА” — Шолпан планетасына 1961 жылдан бастап ұшырылған кеңестік планетааралық ғарыштық аппараттардың (стансалардың) атауы. 1961 — 83 ж. “В.” ғарыштық бағдарламасы бойынша Байқоңыр ғарыш алаңынан барлығы 16 ғарыштық ст-лары ұшырылды. Олардың құрамында ғыл. аспаптар, сондай-ақ, борттық аппаратуралар жиынтығы (бағдарлау жүйесі, Күн энергиясымен қоректендіру жүйесі, тежегіш қондырғы, алыс байланыс пен орбита өлшеудің радио жүйесі, т.б.) болды. Массасы 643,5 кг алғашқы “В.-1” ғарыштық аппараты (1-сурет) 12.2.1961 ж. ұшырылды. Ол сол жылдың 19 — 20 мамыры аралығында Шолпаннан шамамен 100 мың км қашықтықта өтіп, жасанды Күн серігіне айналды. “В.-2” ғарыштық аппараты (массасы 963 кг) 12.11. 1965 ж. ұшырылып, 27.2. 1966 ж. Шолпаннан шамамен 24 мың км қашықтықта өтті. Бұдан кейінгі “В.” ғарыштық аппараттары Шолпан бетіне қонды (“В.-3”, “В.-14”) немесе планетаның жасанды серігіне айналды (“В.-15”, “В.-16”). 1975 жылдан кейін ұшырылған жаңа типтегі “В.” ст-ларының (“В-9” — “В.-16”) массасы 4,9 — 5,3 т болды (2 және 3-суреттер). “В.” ғарыштық аппараттарының көмегімен Шолпан атмосферасының хим. құрамы, қысымы, темп-расы, планета бетіндегі желдің жылдамдығы, планета топырағындағы табиғи радиоактивтік элементтің құрамы, планета грунтының тығыздығы, т.б. жөнінде көптеген құнды мәліметтер алынды. [1]
[өңдеу] Пайдаланылған әдебиет
- ↑ “Қазақ Энциклопедиясы”, II-том
 |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
 |
Бұл мақаланы Уикипедия сапа талаптарына лайықты болуы үшін уикилендіру қажет. |
