Гангстерлік жасақ

"Гангстерлік жасақ(Gangster Squad / Охотники на гангстеров)"фильмі

Жыл:2013

Ел: АҚШ

Слоган:"No names. No badges. No mercy."

Режиссер: Рубен Флейшер

Басты рөлдерде: Энтони Маки , Джованни Рибизи , Брэндон Молале , Эмма Стоун , Джош Бролин , Райан Гослинг , Ник Нолти , Майкл Пенья , Роберт Патрик , Шон Пенн , Холт МакКэллани , Мирей Инос , Салливан Степлтон , Джон Полито

Сценарий: Кевин МакКормик

Продюсер: Дэн Лин

Жанр: Драма , Триллер , Боевик , Қылмыстық

Бюджет:$60 000 000

Әлемдік табысы:$105 200 903

Қазақстандағы табысы:〒23 744 510

Әлемдік премьера: 7 қаңтар 2013

Қазақстандағы премьера: 24 қаңтар 2013 

Жас шектеуі:R - 17 жасқа дейінгі тұлғалар үшін ересектердің қадағалауы міндетті

Ұзақтығы: 113 минут

Сюжеті

Лос-Анджелес, 1946 жыл. Бруклиннен шыққан Микки Коэн есірткі, қару-жарақ және жезөкшелер саудасымен айналысып, қаланы өз бақылауында ұстап отырған қандықол банда басшысы. Оны баскесерлер ғана емес, сатқын полицейлер мен саясаткерлер де қолдайды. Оның көшедегі кез-келген полицейге әмірі жүреді, бірақ оған қарсы тұра алатын да сақшылар бар екен. Лос-Анджелес полиция депатаментінде сержант Джон О’Мара мен Джерри Вутерс бастаған қызметкерлердің жасырын тобы Коэннің қылмыс әлемін жою үшін күш біріктіреді.

Рейтинг

9/10

Сын,рецензия

Нағыз гангстерлік фильм Американың 1940-50 жылдары біздің қазіргі Қазақстанды еске түсіреді. Сатылмалы полиция, жемқор саясаткерлер, қарақшылар мен бандиттердің үстемдігі. Кінәліні табуға мұрша бермейтін шиеленіскен осындай қоғамдық-саяси жүйеден құтылуды Лос-Анджелестің әділетшіл полицейлері өз жолдарымен шешіпті. Қалай десек те, фильмдегі оқиға соны меңзейді: иә, киноның хикаясы өмірде болған оқиғаларға негізделген. Актерлері кілең кино әлемінде өз орындарын алып үлгерген құрамнан: Джош Бролин, Райан Гослинг, Ник Нолти, Эмма Стоун, Энтони Маки, Джованни Рибизи, Шон Пенн. Бұндай құрамдағы қойылымды сіз әлі көрген жоқсыз. Стилистика Қалпақ пен ұзын пальто киген ескі фильмдер естеріңізде шығар. Міне, бұл фильмнен осындай кадрларды тамашалайсыз. Тек кадрлар анағұрлым жаңартылған, анағұрлым айқын, анағұрлым шынайы. Сол әлемге етене еніп кеткеніңіз сонша, 40-50 жылдардың әдемі классикалық машиналарына дейін жаныңыз ашып отырады. Сондықтан туындының атмосферасына қатысты наразылық сізден туындай қоймайды. Арнайы эффектілер Эффектілерді заманауи экшндарға қолдану бір бөлек те, өткен ғасырдағы оқиғаны бейнелейін картиналарға қолдану мүлдем басқа нәрсе. Бұл жерде арнайы эффектілердің сәтті "жатқызылғаны" соншалық, кинотуындының сәнін одан сайын арттыра түседі. Кейіпкерлер Жоғарыда аталған актерлер тамаша үйлесім тапты. Джош Бролиннің кейіпкері бастаған әділдіктің сарбаздарына ерекше риза боласың. Ұрпақтан патриот тәрбиелегің келсе - осындай образдар арқылы қол жеткізу ең тиімді жолдардың бірі болар ед. Шон Пенн өзінің деңгейін әлі де ұстап тұр: оның орындауындағы қанішер гангстер образы болашақта талай кейіпкерлерге үлгі болуға тұрады. Қорыта айтқанда, әдемі ойындарымен тәнті ете алатын жұлдыз актерлердің басын қосқан сапалы да қатаң нағыз гангстерлік кино. Бұндай деңгейге жету үшін кинематографтарға біршама тер төгуге тура келетін шығар. Ой Мүмкін Қазақстандағы тамыры тереңге жайылған жемқорлықпен, сыбайласқан бассыздықтармен осылай күресу керек шығар? Нәтиже болатынына кепілдік беремін. Сенбесеңіз фильмді көріңіз!

Сыртқы сілтемелер

http://mymoviespace.ru/3057-american-gangster-2007.html(қолжетпейтін сілтеме)