Гидрожетек

Гидрожетек- қуатты қысымды сұйықтық (минерал майы) көмегімен жүмыс машиналарын жүргізуге арналған құрылғы. Ол электр қозғалтқышымен жүмыс істейтін гидросорғыдан, құбыр жүйесінен, басқару аппаратурасынан және гидроқозғалтқыштан тұрады. Онда гидросорғының поршенді (піспекті), тісті доңғалақты және калақшалы түрлері қолданылады. Жұмыс машиналарының айналмалы және ілгермелі қозғалысын тудыру үшін гидроқозғалтқыш пайдаланылады. Айналмалы қозғалыс ротор типті гидроқозғалтқыш көмегімен, ал ілгерілмелі қозғалыс ішінде әрлі-берлі піспек (поршень) жүріп түратын гидравликалық цилиндр арқылы алынады. Гидрожетек аппаратурасына ондағы май шығыны мен қысымын бақылап және реттеп отыратын құралдар мен әр түрлі тарату құрылғылары жатады. Гидрожетек жұмыс процестерін және жекелеген машиналарды автоматтандыруға өте қолайлы. Сондықтан ол техниканың көптеген салаларында кеңінен қолданылады. Ол гидравликалық қондырғылардың көрсеткіштерін кең диапазонда өзгертуге және басқару процестерін ықшамдап, қарапайым жолмен жүргізуге мүмкіндік береді.

Гидрожетек автоматика және алыстан басқару жүйелерінің атқарушы құралы ретінде техниканың барлық салаларында дерлік кең тараған.