Гипроуглегормаш

Гипроуглегормаш, тау-кен машиналары мен механизмдерін жасау жөніндегі конструкциялық жобалау және эксперименттік ғылыми-зерттеу инcтитуты, 1958 жылы құрылған. Негізгі ғылыми жұмыстарының бағыты: ауыр және еңбекті көп қажет ететін жұмыстарды механикаландыру, көмір өндірудің жаңа техникасын жасау мәселелерін шешу болды. 50–70-жылдары институт жасаған жоба бойынша С.С.Макаровтың КМ типті тазарту комбайны, газ-дренажды СБ бұрғылау станогы, иілгіш-пластиналы КИП-350 конвейері, т. ж. вагондарына көмір тиеуге арналған автоматтандырылған, айналмалы-қозғалмалы итергіштер, көтергіш қоңдырғыларды автоматтандыру жүйелері, «Қарағанды–7/15» үңгілеу комбайны, иілгіш пластиналы П-65 конвейері, шахтаның өздігінен жүретін вагондары, тұз өндіретін комбайндары, маневрлік МУ-25 қоңдырғысы өңдіріске енгізілді. 1978 жылдан сала бойынша рельсті жер асты транспортын, шахта үсті мен оқпан маңы аулаларын, шахталық пневматик. доңғалақты транспорт, тазарту забойларына арналған жеке тіреулер, т.б. құралдарын жасау жөніндегі жетекші ұйым болып саналды. 10 тонна жүк сүйрете алатын, екі жол аралығы 600 мм болатын АРП-10 аккумуляторлық электровозын, шет елдерде өзіне ұқсасы жоқ принципі жаңа жылжымалы құрамы бар екі жол аралығы 900 мм көп бөлікті ПС-3, ПС-5 поездарын, Украинаның Донецк машина жасау зауытымен және кен ісі институтымен бірлесе отырып көмірдің жұқа қабаттарын қазып шығаруға арналған еңбек өнімділігі ауысымына 1000 т болатын ШБ-2 шпиндельді шнекті бұрғылау машинасын, Экон. Өзара Көмек Кеңесіне мүше елдер шахталарын жабдықтау үшін жіберілетін тазарту забойларына арналған гидравликалық жеке тіреулерін жасады. Ғыл.-зерттеулер толық өлшемді стендтерде жүргізіліп, олардың нәтижелері ин-ттың есептеу орт-нда өнделді.

Дереккөздер

<references>