Груздь

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Груздь

Груздь (Lactarius resimus) – базидиомицеттер класы, агарикалар қатарына жататын қалпақты саңырауқұлақ. Негізінен Еуразияда тараған Груздьдар қайыңды, көбінесе қарағайлы-қайыңды ормандарда топталып өседі. Ақ түсті, аздап сарғыш тартқан қалпағының диаметрі 5 – 20 см. Жас саңырауқұлақтардың пішіні дөңес-дөңгелектенген, ал піскендерінде үлпілдеген кең түтік тәрізді, шеттері төмен қарай иіліп тұрады. Жемісті денесі тығыз, сынғыш және жағымды иісі болады. Саңырауқұлақтың сүтті шырыны ақ түсті, ащы, ауа бар жерде сары түске айналады. Аяғының ұзындығы 5 см, диам. 2,5 см, сырты тықыр, піскендерінде іші қуыс болады. Шілде – қыркүйек айларында піседі. Әдетте Груздьдар жіпшумағы қайың ағашымен селбесіп тіршілік етеді. Бұлар – өте бағалы, жеуге жарамды саңырауқұлақтар. Груздьдар тұздалған түрінде ғана тағамға пайдаланылады.

Дереккөздер[өңдеу]

[1]

  1. Қазақ энциклопедиясы