Гүлнар Сүлейменқызы Сейітмағанбетова

Гүлнар Сүлейменқызы Сейтмағанбетова

1955 жылы 2 қаңтарда Гурьев облысы Маңғыстау ауданының Тұщықұдық ауылында туған. Қазақ.

Әкесі - Сейтмағамбетов Сулеймен, марқұм, ферма басқарушысы, «Тұщықұдық» кеңшарының бухгалтері болып жұмыс істеген. Анасы - Сейтмағамбетова Бәтер, марқұм, үй шаруасымен айналысқан.

Қазақ химия-технология институтын (1976) инженер-құрылысшы мамандығы бойынша; КОКП ОК жанындағы Жоғары партия мектебін (1988); Мәскеу Жоғары партия мектебін (2003) саясаттанушы мамандығы бойынша; Орталық Азия университетін (2003) заңгер мамандығы бойынша бітірген.

«Нұр Отан» ХДП мүшесі (2003 жылдан).

1976 жылдан - Гурьев облысының Маңғыстау ауданындағы «Тұщықұдық» кеңшарының шебері. 1981 жылдан - Қазақстан ЛКЖО Маңғыстау аудандық комитетінің екінші, бірінші хатшысы. 1983 жылдан - Қазақстан ЛКЖО Манғышлақ облыстық комитетінің екінші хатшысы. 1985 жылдан -Маңғыстау облысы Бейнеу аудандық партия комитетінің хатшысы. 1988 жылдан - КОКП ОК жанындағы Жоғары партия мектебінің тыңдаушысы. 1990 жылдан - Маңғыстау облыстық партия комитетінің жауапты ұйымдастырушысы. 1991 жылдан - Маңғыстау аумақтық мемлекеттік мүлік жөніндегі комитетінің жекешелендіру жөніндегі бюро директорының орынбасары, бас инженер.

ЕурАзЭҚ Парламентаралық ассамблеясының әлеуметтік саясат бойынша тұрақты комиссиясының мүшесі; аймақтық ынтымақтастық аясындағы АИТВ және ЖИТС-тың таралуына қарсы шараларды заңнамалық қамтамасыз ету саласында АИТВ мәселесі жөніндегі Орталық-Азиаттық парламентаралық Жұмысшы тобының мүшесі; ҚР Үкіметі жанындағы Ұлттық денсаулық сақтау жөніндегі үйлестіру кеңесінің мүшесі; ҚР Денсаулық сақтау министрлігі коллегиясының мүшесі.

«Құрмет» орденімен (2008); «Парасат» орденімен (2016); «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Астананың 10 жылдығы» (2008) медальдарымен марапатталған.

Ұлы - Нұржан (1996 жылы туған).