Дариға Ғазезқызы Мұштанова

Дариға Ғазезқызы Мұштанова (13.3.1954 жылы туған, Орал қаласы) айтыскер ақын, «Облыс ақыны» (1971). 1977 ж. Орал педагогика институттының филология факультетін бітірген соң қазіргі Казталов ауданының Көктерек орта мектебінің мұғалімі ретінде еңбек жолын бастады (1977-79). Кейін ауыл клубының меңгерушісі, ауданы газет редакциясында тілші, ауданы партия комитетінде нұсқаушы, ауданы атқару кеңесі төрағасының орынбасары (1980-92), «Орал өңірі» газетінің тілшісі. Қазір Теректі лингвистика гимназиясының директоры. Мұштанова 17жасынан ақындар айтысына қатысып, облыстық және республикалық деңгейдегі өнер сайысына түскен. Бірнеше өлең топтамалары мен әндердің авторы.