Дүмбек

Дүмбек - Тасқала ауданың Крупская атындағы ұжымшар аумағындағы оба. Ол шартты түрде екі топқа бөлінген: А тобы — 20 қорғаннан, Б тобы — 14 қорғаннан тұрады. Екі топтың арасы 300 м. Қорғандар топырақ үйіндісі түрінде. Үйіндінің үз. 8-23 м, биікт. 0,2-1,5 м. Обаны Орал облыстық музейінің археологиялық экспедициясы (жетекшісі — Б.Райымқұлов) ашқан. Бір қорғаны қазылды. Одан темір пышақ, қорамсақ ілмегі, т.б. табылды. Ғалымдардың болжауынша, Дүмбек обасы ертедегі темір дәуіріне жатады.