Еңбек статистикасы
Еңбек статистикасы - еңбек ресурстарының саны мен пайдаланудың және жұмыс күшін ұдайы өндірудін шартын зерттейтін статистика саласы. Еңбек статистикасы жұмыс күшінің қозғалысын, яғни қызметкерлерінқабылдануы мен босануының және кәсіп орнының тізімділік құрамындағы басқа да өзгерістерді зерттейді. Жұмыс уақытын пайдалану статистикасы іс жүзінде істеген уақытты, өндірісте пайдаланылмаған уақытты көрсетеді.Жұмыс уақыты, адам-күн мне адам-сағат мөлшерімен есепке алынады.Еңбек статистикасы кәсіптік-техникалық білім беру оқу орындары мен тікелей өндіріс жанында ұйымдастырылған мектептер арқылы жұмысшы және қызметші кадрларын даярлау саласында болып жатқан процесстерді зерттейді. Еңбек статистикасында еңбек өнімділігінің өсуін зерттеу басты орын алады.
Еңбек статистикасы халық шаруашылығының әр саласында еңбек өнімділігінің өсуінің индекстері мен абсолют деңгейін зерттейді, еңбек өнімділігін арттырудағы жекелеген факторлардың рөлі мен маңызын көрсетеді. Еңбек статистикасы жұмысшылар мен қызметкерлердің орташа жалақысының, жалақы қорының мөлшері мен құрамын, жалақы қорының жұмсау жөніндегі жоспардың орындалуын зерттейді, жұмысшылар мен қызметкерлердің нақты жалақысын, мемлекеттік бюджет, әлеуметті қауіпсіздендіру қоры арқылы берілетін қосымша төлемдерді есептеп шығарады .
Дереккөздер[өңдеу | қайнарын өңдеу]
Алматыкітап, 1997ж., 4-том