Жалғызағаш (зират)

Жалғызағаш - қола дәуірінен сақталған зираттар орны. Қостанай облысы Денисов ауданы Глебовка ауылына жақын жерде, Жетіқара өзенінің бойында орналасқан.Алғаш 1902 ж. Орынбор ғылыми мұрағат комиссиясы (жетекшісі А.П. Аниховский) зерттеді. Ал 1955 ж. Қазақстан ғылым академиясының Қостанай археологиялық экспедициясы (жетекшісі Г.И. Паңевич) төрт зират орнын қазды. Ескерткіште барлығы 41 дөңгелек тас қоршау бар. Бір немесе қос қатарлы тас қоршаулардың диаметрі 4 - 4,5 м. Мәйітті өртемей жерлеген. Зираттан қола моншақтар мен жалпақ білезіктер табылды. Жалғыз ағаш мерзімі жағынан ерте қола дәуіріне (б.з.б. 16 - 15 ғ-лар) жатады.