Жасмин

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Жасмин

Жасмин (лат. Jasmínum) — зәйтүн тұқымдасына жататын, cабағы шырматыла, өрмелей өсетін мәңгі жасыл, гүлі әдемі бұталы өсімдік. 300 түрі бар. Субтропиктерде, тропиктерде өседі. Орта Азияда үш түрі өседі. Негізінде, әсемдік үшін жөне кейбір сорттарынан парфюмерияда қолданатын эфир майларын алу үшін және шайды хош иістендіру үшін өсіреді.[1]

Бөлмеде гүлі қарапайым (ерекше хош иісті) не түкті ақ гүлді самбак жасмині, сондай-ақ аласа келген дәрілік азов жасмині өсіріледі. Оны күн сәулесі жақсы түсетін жерге қояды. Қаулап өсу кезінде жиі-жиі суарыл, жапырақтарына су бүркіп, тыңайтқышпен қоректендіру қажет; қыстыгүні сирек суару керек. Жасмин отырғызу үшін сазды-шымды, жапырақ аралас және шымтезекті топырақтардың үлесін бірдей етіп алып, оған құм қосады. Ол қалемшемен көбейеді. Гүлдері көп болуы үшін, ерте көктемде жасминнің өркен жайран ұзын бұтағын қысқартып, оларды қалемшеге пайдаланады да, ұсақ жапырақты әлсіз тармақшаларын кесіп тастайды. Жазда жасминнің өркендерін 6—8 жұп болып жапырақ жайғанда жұлып тастау тиімді.[2]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: К54 Қоғамдық тамақтандыру.— Алматы: "Мектеп" баспасы, 2007. — 232 бет.ISBN 9965-36-414-1
  2. Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9