Жекелей біріншілік
Жекелей біріншілік — қатысушылардың жеке нәтижесін анықтайтын спорт жарысы. Жекелей біріншілікте чемпионды (жеңімпазды), ең күшті спортшыны таңдаудың әр түрлі жарыс тәсілдері қолданылады. Соның кең тараған түрі — олимпиадалық жүйе. Мұнда қатысушылардың жеңілгені шығып, жеңгені жарысты жалғастыра береді (мыс., бокста). Жеңіл және ауыр атлетикада жеңімпаз ұзындық, биіктік, уақыт, салмақ, т.б. өлшемдермен анықталады. Шахмат пен дойбыда айналым жүйесі, кейде швейцариялық деп аталатын жүйе қолданылады. Гимнастикада командалық жарыстағы көрсеткіш пен жекелей жарыстағы нәтиженің қосындысын екіге бөлу арқылы спортшының жекелей есептегі орны белгілі болады. Жекелей біріншілікте жеңімпазды анықтау үшін жарыс өткізудің тізбекті, пирамидалық, аралас, жетілдірілген тәсілдері де қолданылады. [1]
Дереккөздер[өңдеу | қайнарын өңдеу]
- ↑ Қазақ энциклопедиясы,3 том
Бұл мақаланы Уикипедия сапа талаптарына лайықты болуы үшін уикилендіру қажет. |
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |