Жергілікті жерді газсыздандыру және дезинфекциялау

Жергілікті жерді газсыздандыру және дезинфекциялау — қарсыластың химиялық және бактериологиялық шабуылының зардаптарын жою үшін жүргізілетін іс-шаралардың бірі. Қорғаныс құрылыстарын (ғимараттарын)және жергілікті жерді газсыздандыру мен дезинфекциялау әскерлерге залалсыздандырылған және неғұрлым қолайлы жағдайларда әскери міндеттерін орындауға мүмкіндік беру мақсатында жасалады. Газсыздандыру мен дезинфекция жұмыстары химиялық (газсыздандырғыш ерітінділермен суару, газсыздандырғыш сусымалы заттарды шашу) тәсілімен немесе механикалық (залалданған топырақ, қар қабатын алып тастау) тәсілімен жүргізілуі мүмкін. Жергілікті жерді газсыздандыру және дезинфекциялау үшін:

• автоқұйғыш станциялары,
• аспалы газсыздандырғыш аспаптар мен жол машиналары (грейдерлер, бульдозерлер, қар тазарткыштар, құйғыш машиналар, скреперлер және т.б.) пайдаланылады.

Газсыздандыру мен дезинфекция бойынша шағын көлемдегі жүмыстарды құрлықтағы әскерлердің барлығы өздігінен, негізінен механикалық тәсілмен жүргізеді.