Жетісу ауылы

Жетісу ауылы - Ескелді ауданындағы ауыл. Төлеңгіт әкімшілік округінің орталығы. Аудан орталығы — Қарабұлақ кентінен оңтүстік-шығысқа қарай 7 км жерде, Талдықорған-Текелі автомобиль жолы бойында, бетеге, боз, жусан, көде өскен қара топырақты қоңыржай-ылғалды агроклиматтық белдемде орналасқан. Тұрғыны 1,6 мың адам (2002). іргесі 1951 ж. қызылша өсіруге маманданған "Жетісу" ұжымшарын ұйымдастыруға байланысты қаланды. Оның негізінде Жетісуда 1997 ж. шаруа қожалыктары мен өндірістік кооператив ұйымдастырылды. Ауылда орта мектеп, емхана, мешіт, мәдениет үйі, т.б. бар. Тұрғындары басқа елді мекендермен автомобиль жолы арқылы қатынасады. "Жетісу" - аяқ киім шығаратын фабрика. 1931 ж. Алматы қаласында Алматы мәсі-аяқ киім фабрикасы болып құрылған. Біртіндеп дайын тауар түрлерін көбейте бастады (сандалеттер, балалар мен әйелдер аяқ киімі, спорттық аяқ киімдер, бынғары қолғаптар және т.б.). 1940 ж. фабрика өнімі 3 есе өсті. Ұлы Отан соғысы жыдцары қиын жағдайда фабриканың барлық жұмысы қайта құрылып, жауынгерлерге арналған аяқ киімдер шығарылды. 1975 ж. "Жетісу" аяқ киім өндірістік бірлестігіне айналды. 1990 ж. бірлестік құрамында өзгерістер басталып, 4 филиалдың орнына 3 фабрика бөлініп шықты. Өндіріс цехтары тиімді қурал жабдықтармен қамтамасыз етіліп, жаңа технологиялар енгізілді. Кәсіпорын өнімдері Франция, АҚШ, Англия және Жапония елдерінде көрмелерге қойылды. Нарықтық қатынастарға байланысты үш акционерлік қоғамға бөлініп, соның ішінде "ЫАК" АҚ алты жын тоқтап түрған өндірісті іске қайта қосты. Жаңа үлгідегі аяқ киім шығару үшін жаңа материалдар мен қалыптар сатып алынды.