Жылдық есептеме

Қысқаша мәлімет[өңдеу | қайнарын өңдеу]

ЖЫЛДЫҚ ЕСЕПТЕМЕ – заңды тұлғаның (кәсіпорынның, бірлестіктің‚ ұйымның) есепті кезеңдегі өндірістік-шаруашылық және қаржы қызметінің нәтижелері туралы бухгалтерлік құжаттар кешені. Түгендеу жолымен және басқа тәсілдермен тексерілген есеп деректері негізінде‚ бекітілген үлгіде әзірленеді. Жаңадан құрылған заңды тұлғаның әділет органдарында тіркелген күнінен бастап ағымдағы жылдың 31 желтоқсанына дейінгі мерзімі‚ ал жұмыс істеп тұрған заңды тұлға үшін 1 қаңтардан 31 желтоқсанға дейінгі мерзім есепті кезең болып саналады. Ж. е. бухгалтерлік баланстан‚ қаржы-шаруашылық нәтижелері туралы есептен‚ ақшалай қаражаттың қозғалысы туралы есептен‚ түсіндірме жазбадан‚ бірлескен кәсіпорындар мен шетелдік кәсіпорындар үшін нәтижелердің растығын қуаттау жөніндегі аудиторлық қорытындыдан тұрады. Ж. е. меншік иелеріне‚ статистикалық органдарға, мемлекеттік бақылау және қадағалау органдарына‚ олардың құзыретіне сәйкес‚ есеп беріліп отырған жылдан кейінгі жылдың 30 сәуірінен кешіктірмей тапсырылады. Ашық акцион. қоғамдардың есептемелері құрылтайшы құжаттарында айқындалған мерзімде қысқа түрде бұқаралық ақпарат құралдарында жариялануға тиіс. ^[1]