Жылтырбауырлы проксилокопа
Жылтырбауырлы проксилокопа саны қысқарып бара жатқан түр. Ежелгі тропикалық туыс өкілі. Орта Азия, Қазақстан, Солтүстік-Батыс Моңғолияда таралған. Тау мен тау етектерінде тіршілік етеді. Қазақстанда Іле Алатауы мен Жоңғар Алатауының төменгі белдеуі мен тау етегі шөлдерінен (Іле өзенінің орта ағысынан) белгілі. Сары топырақты тік жарлар мен тапталған құмдарда ұялайды. Ұшу кезеңі сәуірдің соңы-мамырдың басынан бастап, қыркүйек аяғына дейін созылады. Аналықтары ерінгүлділер мен бұршақ тұқымдастар гүлдерінен табылған. Proxylocopa s.str.- дан айырмашылығы Ancylocopa өкілдері күндізгі түрлер болып табылады. Шағын топтар құрайды. Санының қысқаруына адамның шаруашылық әсері (ұялаған орындарын бұзу, малды орынсыз көп жаю және т.б.) тиіп отыр. Түрді қорғау үшін ұялайтын орындарын қорғап, малды шектен тыс бағуды қысқарту керек. Қорықтар мен шағын қорықтар ұйымдастыру қажет.
Дереккөздер[өңдеу | қайнарын өңдеу]
Ғажайып омыртқасыздар. Қазақстан Қызыл кітап беттерінен. Құрастырушылар И.Д.Минтяев, Р.В. Ященко, В.Л. Казенас.