Жіңішке ішек
Жіңішке ішек[өңдеу | қайнарын өңдеу]
Жіңішке ішек — ас қорыту жолының бір бөлігі, ол асқазан мен тоқ ішекті жалғап тұрады. Жіңішке ішек - ас қорыту жолының ұзын бөлігі. Жіңішке ішек он екі елі ішек, аш ішек, мықын ішек деп аталатын үш бөліктен тұрады. Жіңішке ішек толығымен сір қабықшасымен қоршалып жатады. Сір қабықшасы қабат - талған жерге шажырқай түзіледі, құрсақ қуысының арқа бөлігінде ішек иірімдерін жасайды. Жіңішке ішектің шажырқайлы бөлігі жоғарғы (проксимальды) және төменгі (дистальды) мықын ішек болып бөлінеді. Шажырқай аралығынан қан тамырлары және жүйкелер ішекке жалғасады. Шажырқайда лимфа түйіндері көп болады. Аш ішек мықын маңында мықын ішекке жалғасады. Мықын ішек жамбас астауында орналасқан. Жіңішке ішек ас қорыту жолының 70 пайыз ұзындығын және 90 пайыз беткі қабатын алып жатыр. Ересек адамда оның ұзындығы шамамен 5 метрге жетеді. Ал дүние салған адамның ішегі босайтындықтан шамамен 50 пайызға ұлғайып, 7 метрге дейін барады. Жіңішке ішектің бірыңғай салалы бұлшық ет қабатының жиырылуынаң ол құрт және маятник тәрізді қимылдайды. Оны ішектің перистальтикасы деп атайды.
Дереккөздер[өңдеу | қайнарын өңдеу]
А 24 Адам анатомиясы. – Алматы: “Aруна” баспасы. – 208 бет. – Сер.: “1100 қызықты деректер”. ISBN 978-9965-26-610-2