Зоя Шекебайқызы Өмірбаева

Зоя Шекебайқызы Өмірбаева (1974 ж. т., Бейнеу ауданы Ақжігіт ауылы) – ғалым, биология ғылыми кандидаты. (2005). Қазіргі ҚазҰУ-ды (1996) және осы оқу орнының аспирантурасын (1999) бітірген. 1999 – 2000 ж. Ақжігіт орта мектебінде мұғалім, психолог, 2000 – 02 ж. Ақтөбе облысы Қандыағаш қаласында «Кентаврь» ЖШС-нде химик-аналитик, 2002 – 06 ж. Алматыдағы Қыздар мемлекеттік педагогикалық институтында аға оқытушы, Ботаника және фитоинтродукция ғылыми-зерттеу институтында ғылыми қызметкер болды. 2006 жылдан бастап Ш.Есенов атындағы АқтМУ-ның доценті болып қызмет жасайды. Өмірбаеваның ғылыми еңбектері негізінен Солтүстік Тянь-Шанның болашағы зор сәндік өсімдік түрлерін жерсіндіру және олардың онтогенезін зерттеуге арналған.