Ибн Тахир әл-Бағдади

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Бағдади, Әбу Мансур , Абд әл-Кахир б. Тахир (980 ж.-1037 ж.) - доксографикалық шығармаларымен даңқы шыққан шафиит фикһі және ашарит теологы. Ашарит Әбу Исхақ әл-Исфараинидің (1027 ж.ө.) жетекшілік етуімен Нишапурда оқыды, Ол қайтыс болғаннан кейін соның ұстаздық жолын жалғастырды. Кейін Исфараинғе қоныс аударып, сонда қайтыс болды. Бағдадидің Хорасанда көптеген шәкірттері болды, солардың бірі белгілі теолог-сопы әл-Кушайри еді. Бағдади фикһ, усул әл-фикһ, кәлам, грамматика, геометрия, арифметика, т. б. 17 пәннен сабақ берді.

Ол үшін доксографикалық еңбек жазды: «әл-Фарк байна-л-фирак» (Каир, 1964), «Усул ад-дин» (Стамбұл, 1928) және «әл-Милал-уа-н-нихал» (Бейрут, 1974). Басқа да сүннит кұқықтанушылары сияқты Бағдади харижиттермен, шииттермен және мутазилашылармен айтыстарда имамат идеясын дамытты. Өзінің замандасы және серіктесі әл-Бакилланидан айырмасы Бағдади имамат қажет деп есептеді және территориясын теңіз бөліп жатқан жағдайда екі имамның қатар өмір сүруін заңға сыйғызды.[1]

Дереккөздер[өңдеу]

  1. Ислам. Энциклопедиялық анықтамалық. Алматы: “Аруна Ltd.” ЖШС, 2010 ISBN 9965-26-322-1