Иван Максимович Пятковский

Иван Максимович Пятковский(19.1.1913, Ақтөбе облысы, Қобда ауданы, Жаңаталап ауылы - 1.12.1986, Украина, Киев қаласы) - 2-дүние жүзілік соғысқа қатысушы, байланыс ротасының капитаны6jрыс. Орта мектептен кейін Ташкент байланыс техникумын бітіріп, Түрксіб техникум жанында жұмыс істеген. Кеңес әскері қатарына 1935 жылы шақырылған. 1942 жылдан Ұлы Отан соғысына қатысты. 69-атқыштар дивизиясы құрамында Батыс және Орталық майдандарда жаумен шайқасты. Севск қаласын азат ету кезіндегі ұрыстарда оның ротасы дивизия бөлімдері мен командование арасындағы байланысты қамтамасыз етіп, жауынгерлік қимылдардың табысты болуына баға жетпес пайдасын тигізді. Пятковский Варшава қаласы маңындағы, Курск доғасындағы, Сож және Десна өзендерінен өту кезіндегі шайқастарға қатысты. Днепрдің оң жағалауынан плац- дармды басып алуда ерлігімен ерекшеленді. Капитан Пятковский жараланғанына қарамастан, ерлік пен ұстамдылықтың үлгісін көрсетіп, өз байланысшыларын басқара білді. Осы жасаған ерліктері үшін Пятковскийге КСРО Жоғарғы Кеңесі Төралқасының Жарлығымен Кеңес Одағының Батыры атағы беріліп, Ленин ордені мен «Алтын Жұлдыз» медалі қоса тапсырылды (30.10.1943). Сондай-ақ ол l-дәрежелі Отан соғысы, «Қызыл Жұлдыз» ордендерімен және медальдармен марапатталған. Жаңаталап атындағы көше мен мектеп батырдың есімімен аталады.